Copa America: Messi yagejeje Argentina muri 1/2, amakipe 4 ahita amenyekana

Wari umukino ugomba kugaragaza ikipe ya 4 yerekeza muri 1/2 cya Copa America, ndetse ukaba umukino usoza umunsi n'ubwo wabaye mu rucyerera, Argentina inyagira Ecuador ibitego 3 ku busa, aho De Paul yafunguye amazamu ku munota wa 39, Lautaro Martinez aterekamo igitego cya 2, mu gihe umukino wenda kurangira ku munota wa 90 Lionel Messi yatsinze igitego cya 3.

Undi mukino wari wabanje, Uruguay yanganyije na Colombia ubusa ku busa hitabazwa penariti Uruguay isezererwa kuri penariti 4 kuri 2. Argentina na Colombia zahise zisanga Brazil na Peru nazo zari zatsinze mu mikino ibanza.

Uko imikino iteganyijwe kugera ku munsi wa nyuma 

Tariki ya 6 Nyakanga 2021 ni bwo imikino ya 1/2 izatangira, Brazil yakira Peru, mu gihe bucyeye bwaho, Colombia izakira Argentina. Brazil na Peru zigiye kongera guhura nyuma y'umukino wo mu matsinda Brazil yari yatsinzemo Peru ibitego 4-0.