Antonio Rüdiger ukinira Chelsea ari mu byishimo byinshi nyuma yo kwibaruka umwana wa 2 w’umukobwa yahaye amazina 3 arimo Trophy bisobanuye mu kinyarwanda 'Igikombe'. Umwana w'ubuheta bwe yamwise ‘Aaliyah Trophy Rüdiger’ nyuma y'uko ikipe akinira ya Chelsea yegukanye igikombe gikomeye i Burayi cya Champions League.
Mu ijoro ryo kuri uyu wa Gatatu tariki ya 02 Kamena 2021, nibwo myugariro w’ikipe ya Chelsea FC yo mu Bwongereza n’ikipe y’igihugu y’u Budage, Rudiger yatangaje ko yibarutse ubuheta, anyuze ku rukuta rwe rwa Twitter, yagize ati; “Imana ishimwe ku bwa byose, igihe cyose imipango y’Imana iba ari myiza kurusha iyacu !!! Aaliyah Trophy Rüdiger, intsinzi yanjye ikomeye, nishimiye kwitwa Papa ku nshuro ya kabiri”.
Aaliyah Trophy Rüdiger abaye umwana wa kabiri Rudiger yibarutse, nyuma yuko muri Gashyantare 2020 yibarutse imfura y’umuhungu yiseDjamal Sahr Rüdiger.Ni umwana wa kabiri Rudiger abyaranye n’umukunzi we Laura basezeranye mu 2019.
Rudiger wageze muri Chelsea mu 2017 avuye muri Roma, amaze kuyifasha kwegukana ibikombe bitatu, birimo na UEFA Champions League begukanye uyu mwaka.
Uretse gufasha Chelsea kwegukana Champions League yaherukaga mu 2012, Rudiger yagaragaye mu ikipe y’abakinnyi beza bigaragaje muri iri rushanwa.Uyu myugariro kandi yafashije ikipe y’igihugu y’u Budage kwegukana irushanwa rya FIFA Confederations Cup mu 2017.
Rudiger ni umwe mu bafashije Chelsea kwegukana Champions League uyu mwaka
Eng
RSS 
TANGA IGITECYEREZO