Kigali

Tanzania yirukanye umutoza Etienne Ndayiragije

Yanditswe na: SAFARI Garcon
Taliki:11/02/2021 17:24
0

Nyuma yo kutitwara neza mu irushanwa rya CHAN 2020, akaviramo mu mikino y'amatsinda, umutoza w'umurundi watozaga ikipe y'igihugu ya Tanzania 'Taifa Stars' Etienne Ndayiragije, yirukanwe nyuma y'igihe gisaga umwaka umwe.



Kuri uyu wa kane tariki ya 11 Gashyantare 2021, nibwo Ishyirahamwe ry'umupira w'amaguru muri Tanzania 'TFF' ryatangaje ko ryamaze gutandukana n'uwari umutoza w'ikipe y'igihugu Etienne Ndayiragije.

 Bavuze ko biciye mu bwumvikane bw’impande zombi, Etienne Ndayiragije n’Ishyirahamwe ry’Umupira w’Amaguru muri Tanzania bamaze gusesa amasezerano bari bafitanye.

Muri CHAN 2020, yari mu itsinda rimwe na Zambia, Guinea na Namibia. Tanzania yatsinzwe umukino umwe wa Zambia, itsinda undi wa Namibia, inanganya na Guinea, ariko ihita isezererwa kuko hakomeje Zambia na Guinea muri 1/4.

Uyu musaruro ntabwo wishimiwe n'abanya-Tanzania dore ko no mu mikino yo gushaka itike ya CAN 2021, iki gihugu kidafite amahirwe yo kuzabona itike.

Ndayiragije wari wahawe amasezerano mashya yo gutoza Taifa Stars mu 2019, mbere yo kuba umutoza w'ikipe y'igihugu yabanje gutoza ikipe ya Azam FC.

Uretse umusaruro mubi, ikindi gitumye uyu mutoza asezererwa ni ubwumvikane buke yari afitanye n'abakinnyi cyane cyane abakuze bari mu ikipe.


TFF yashimangiye ko Taifa Stars yatandukanye n'umutoza Etienne Ndayiragije

Ndayiragije ntiyitwaye neza muri CHAN 2020






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND