Kigali

Premier League: Abakinnyi 18 barimo Gabriel wa Arsenal banduye Coronavirus

Yanditswe na: SAFARI Garcon
Taliki:29/12/2020 15:54
0

Abategura shampiyona y'icyiciro cya mbere mu Bwongereza bemeje ko mu bipimo byafashwe abakinnyi ndetse n'abagize Staff, habonetse abarwayi bashya 18 ba Coronavirus, bwa mbere muri uyu mwaka w'imikino haboneka umubare munini w'abanduye iki cyorezo umunsi umwe.



Mu bipimo 1,479 byafashwe abakinnyi n'abagize Staff z'amakipe atandukanye hagati ya tariki 21-27 Ukuboza 2020, abantu 18 nibo basanzwemo ubwandu bwa COVID-19, barimo na myugariro wa Arsenal ukomoka muri Brazil, Gabriel. Kuri ubu abantu 18 basanzwemo iki cyorezo bahise bishyira mu kato.

Umukino wagombaga guhuza Manchester City na Everton mu ijoro ryo ku wa mbere tariki ya 28 Ukuboza 2020, wasubitswe nyuma yo gusanga abakinnyi ba Manchester City harimo abanduye Coronavirus. Uyu wabaye umukino wa kabiri muri Premier League usubitswe muri uyu mwaka, nyuma yo gusubika uwari guhuza Aston Villa na Newcastle mu ntangiriro z'uku kwezi.

Imikino myinshi yo mu irushanwa rya EFL yarasubitswe kubera icyorezo cya COVID-19. Kuri Noheli, abakinnyi babiri ba Manchester City barimo Gabriel Jesus na Kyle Walker ndetse na babiri mu bagize Staff y'iyi kipe basanganwe Coronavirus.

Mu bipimo byaherukaga gufatwa hagati ya tariki ya  14-20 Ukuboza 2020, byagaragaje abantu barindwi banduye mu bipimo 1,569 byafashwe.

Myugariro wa Arsenal, Gabriel ari mu bakinnyi bashya banduye iki cyorezo bikaba bituma ataza kugaragara ku mukino iyi kipe iza guhuramo na  Brighton mu ijoro ryo kuri uyu wa kabiri tariki ya 29 Ukuboza 2020.

Gabriel wa Arsenal ntagaragara ku mukino wa Brighton nyuma yo kwandura COVID-19





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND