Kigali

Yakinnye iminota 45 y'igice cya mbere cy'umukino afite Coronavirus, atahuwe asohorwa mu kibuga

Yanditswe na: SAFARI Garcon
Taliki:12/11/2020 17:39
0

Kapiteni w'ikipe y'igihugu ya Croatia, Damagoj Vida, yasohowe mu kibuga nyuma y'iminota 45 ari mu kibuga, mu mukino wa gicuti Turikiya yanganyijemo na Croatia 3-3, nyuma yuko abaganga bagaragaje ko yanduye Coronavirus.



Uyu myugariro nubundi yari mu bakinnyi bagombaga gusimburwa mu gice cya kabiri, ariko batungurwa n'ibisubizo by'abaganga, bagize bati: "Vida yamaze kwandura COVID-19, bijyanye n'amategeko agomba kumara iminsi mike mu kato hano Istanbul".

Abandi bakinnyi b'ikipe y'igihugu ya Croatia, bahise burira indege berekeza muri Sweden kwitegura umukino wa UEFA Nations League bazakina ku wa gatandatu.

Ku wa mbere abakinnyi, abatoza ndetse n'abandi bose bari kumwe n'ikipe y'igihugu ya Croatia, bari bapimwe COVID-19 aho basanze bose ari bazima, ariko ibizamini byafashwe mu gitondo cyo ku wa gatatu, tariki 11 Ugushyingo 2020, byagaragaje ko kapiteni Damagoj Vida yanduye Coronavirus.

Abaganga b'abanya-Coatia babonye igisubizo kigaragaza ko Vida yanduye Coronavirus, ubwo igice cya mbere cy'umukino wa Turikiya na Croatia cyari kirangiye, abuzwa gusubira mu kibuga ahubwo ahita ajyanwa mu kato.

Uyu myugariro w'ikipe ya Besiktas  wari wasimbuwe na Filip Uremovic, yajyanwe mu kato mu gihe amaraso ye yagiye kongera gusuzumwa ngo bemeze neza ko yanduye COVID-19.

Coronavirus itumye Damagoj Vida atazakina umukino Croatia izakina na Sweden ku wa gatandatu, ndetse n'uwa Portugal  uzakinwa ku wa kabiri w'icyumweru gitaha.

Uretse Vida umwe mu bagize Staff y'ikipe y'igihugu ya Croatia utarigeze agira aho ahurira n'abakinnyi cyangwa abatoza, nawe yasanzwemo Coronavirus.

Vida yakinnye iminota 45 y'igice cya mbere afite Coronavirus

Yasohowe mu kibuga arasimburwa







TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND