Kigali
Bralirwa
-->

Mu Rwanda: Imikino ya Volleyball yasubukuwe nyuma y'iminsi 213

Yanditswe na: SAFARI Garcon
Taliki:13/10/2020 16:32
0

Minisiteri ya Siporo mu Rwanda, yamaze guha uburenganzira Ishyirahamwe ry'umukino wa Volleyball 'FRVB'gusubukura imikino, hubahirizwa amategeko n'iamabwiriza ya Leta yo kwirinda ikwirakwizwa ry'icyorezo cya Coronavirus.



Nyuma y'iminsi 213 ibikorwa by'imikino bisubitswe mu Rwanda, nyuma yuko hari hamaze kugaragara umuntu wa mbere wanduye COVID-19, muri uku kwezi hatangiye gufugurwa bimwe mu bikorwa by'imikino byari byarafuzwe.

Minisiteri ya Siporo yasabye amafederasiyo kugaragaza ingamba yafashe mu kwirinda ikwirakwira ry'icyorezo cya Coronavirus kugira ngo bemererwe gusubukura ibikorwa by'imikino.

Mu ibaruwa yageze mu buyobozi bwa FRVB, Ku mugoroba wo kuri uyu wa kabiri tariki ya 13 Ukwakira 2020, MINISPORS yahaye uburenganzira FRVB bwo gusubukura imikino, ariko bibutswa gukurikiza amabwiriza ndetse n'ingamba za Leta zo kwirinda ikwirakwira ry'iki cyorezo.

Ntabwo umwaka w'imikino muri Volleyball wigeze urangira, bikaba byari biteganyijwe ko amakipe ane ya mbere azahita yerekeza mu mikino ya kamarampaka 'Playoffs' kugira ngo haboneke uwegukanye igikombe.

Byari biteganyijwe ko amakipe yose azahurira mu karere ka Gisagara, buri kipe igakina n'indi kugeza habonetse iyatsinze imikino myinshi ikaba ariyo yakwegukana igikombe.

Ibaruwa yemerera FRVB gusubukura imikino

Volleyball igiye kongera gusubukurwa





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND