Umutoza wa Muhazi United ari gutabaza

Ibi yabitangaje mu kiganiro n’itangazamakuru cyabaye kuwa Gatanu w’icyumweru gishize, ubwo Muhazi United yari yasuye ikipe ya Gorilla FC ariko ntibyayihira itsindwa ibitego 2-0.

Nyuma y’uyu mukino, Ruremesha yavuze ko ibintu bitameze neza ubu aho bigeze bakeneye akaboko k’ubuyobozi ngo bave mu bihe bibi barimo bishobora no gutuma bamanika.

Uyu mukino udushyize ku gituti biradusaba ko twitwara neza mu mikino isigaye. Ariko bizagendana n’ubuyobozi bw’uturere kugira ngo nabwo bushyigikire abakinnyi bubatere ingabo mu bitugu turebe ko twava muri ibi bibazo.”

Umutoza yakomeje avuga ko ”Ubuyobozi buduha icyizere ko mu minsi iri imbere bigiye gutungana natwe tukagendera kuri icyo cyizere ko bigiye gutungana ariko ntabwo bimeze neza. 

Ndabizi ko n’ahandi bitameze neza ariko twe bihangane bagerageze bashyiremo imbaraga barebe icyo bakorera abakinnyi bakagira ishyaka. 

Byari bimaze kuba imikino igera kuri itatu twitwara neza rero n’ubuyobozi bukwiye kugira icyo bukora abakinnyi bakagaruka mu bihe byabo. 

Uyu mwaka shampiyona irakomeye nk’amakipe agera kuri 6 nta n'imwe irizera n’iya nyuma twumva ga ko ari Vision FC yatangiye gutsinda."

Ruremesha Emmanuel ni umwaka we wa kabiri wikurikiranya atoza ikipe ya Muhazi United ndetse akaba yarabaye umutoza wa mbere ufashije iyi kipe gukina shampiyo y'icyiciro cya mbere imyaka ibiri yikurikiranya 

Umutoza Ruremesha yasoje avuga ko ubuyobozi bwari bwabasabye kwitwara neza barabikora. 

Ati: ”Umuyobozi bwaduhaye icyizere badusaba ko twakitwara neza nabo ibibazo bakabikemura kandi byari mu nzira nziza rero nabo bagerageze barebe ko batera ingabo mu bitugu abakinnyi. 

Hari aho bigera umuntu akananirwa ariko ntabwo haragera cyane ndizerako abayobozi hari icyo bazakora ubundi tugakora imyitozo ibintu bimeze neza.”

Ikipe ya Muhazi United nyuma y’umunsi wa 21 wa shampiyona iryamye ku mwanya wa 12 namanota 23 imaba irusha Vision FC iri ku mwanya wa nyuma (16) amanota agera kuri 7. 

Muhazi kandi ubwo shampiyona izaba igarutse izasura ikipe ya Bugesera FC nayo itarizera kuguma mu cyiciro cya mbere.

Mbonyumuvunyi Radjab (ubanza iburyo) uyobora akarere ka Rwamagana Muhazi United ibamo asuhuzanya na Nkaka Mfizi umuyobozi wa Muhazi United, ndetse bakaba bamwe mubahanzwe amaso n'abakinnyi b'ikipe 

Abakinnyi na Staff ya Muhazi United baberewemo amezi agera kuri abiri y'ibirarane