Imyaka itandatu iruzuye abantu bakora ‘mining’! Akanunu k’igihe Pi izatangira gukoreshwa ku isoko mpuzamahanga

Kuva ku itariki ya 14 Werurwe 2019 (Pi Day) ubwo Dr. Nicolas Kokkalis na Dr. Chengdiao Fan bamurikaga umushinga wabo wo gukora ifaranga ryo kuri murandasi (Pi), abantu batangiye gukora ikizwi nka ‘Mining’ kugira ngo batangire binjize.

Abantu bagize amahirwe yo gutangira gucukura amafaranga (Mining) muri icyo gihe, babashaga kubona Pi nyinshi. Dore uburyo abakoraga Mining bazibonaga.

1.    Ku ntangiriro za Pi Network (2019)

Ubwo mining yatangiraga ku wa 14 Werurwe 2019, rate yari 3.1415 Pi/h.

Bivuze ko umuntu utari ufite abo yatumiye, yabonaga:

24h × 3.1415 Pi/h = 75.4 Pi ku munsi.

2.    Mu myaka yakurikiyeho (2020 – 2021)

Ikigereranyo cyagabanyijwe kigera kuri 1.6 Pi/h, bivuze ko umuntu yakuraga:

24h × 1.6 Pi/h = 38.4 Pi ku munsi.

3.    Kuva muri 2022 kugeza ubu (2025)

Ubu (2025), utagira referrals (abatumirwa) ashobora kubona hagati ya:

0.01 - 0.2 Pi/h, bitewe n’uko hashyizweho uburyo bushya bwa adjustable mining rate.

Bivuze ko umuntu ashobora kubona hagati ya 0.24 - 4.8 Pi ku munsi.

Impamvu ikigereranyo cya Pi cyagabanutse, harimo ko iyo abantu biyongereye, mining rate igabanuka, Itegurwa rya Open Mainnet (kuzishyira ku isoko ryo kuri murandasi).

Uko igihe kigenda gishira, mining rate izakomeza kugabanuka kandi ishobora guhagarara burundu nyuma ya Open Mainnet.

Open Mainnet izakorwa ryari?

Nyuma y’uko abantu hafi ya bose bakora ‘mining’ bemerewe gukora KYC, ni mu buryo bwo kugira ngo imashini ijanure Pi zigiye gukoreshwa ku isoko n’izidafite umumaro bityo ba nyiri ugukora ifaranga bamenye ayo bashyize ku mbuga nkoranyambaga.

Ntabwo igihe cya Open Mainnet kiratangazwa n’ababifite mu nshingano ahubwo Pi ziracyari muri Enclosed Mainnet (zitari zashyirwa ku isoko) gusa bamwe mu bafite amakuru y’uko zizaba zihagaze, bari kuzigura ku mafaranga 1.39$ aka kanya.

Soma inkuru ijyanye n'amateka ya Pi n'imikorere yayo ukanze Hano

Kugeza aka kanya, abantu baracyabasha gukora 'Mining' gusa ku kigero cyo hasi aho mu gihe kiri imbere ibyo bishobora guhagarara burundu