Ikipe ya APR FC yatije Kategaya Elia muri Vision FC na Ishimwe Jean René muri Marine FC kugira ngo babone amahirwe yo gukina imikino ihagije.
Iyi kipe yambara Umukara n'Umweru niyo yabitangaje ibinyujije ku mbuga nkoranyambaga zayo kuri uyu wa Gatanu tariki ya 31 Mutarama 2025.
Iyi kipe yavuze ubuyobozi bwayo bwafashe icyo cyemezo bumaze kubona ko aba ari abakinnyi beza bafite impano kandi bakiri bato ariko bakaba batabona umwanya uhagije wo gukina.
Aba bakinnyi bombi bagiye gukinira ayo makipe mu gihe cy’amezi atandatu asigaye ngo uyu mwaka w’imikino wa 2024-2025 urangire.
Aba bakinnyi bombi bazamukiye muri APR Football Academy (APR FA) bakomereza mu INTARE FC, maze Kategaya Elia aca muri Mukura VS mbere yo kujya muri APR FC mu ntangiriro za 2024 mu gihe Ishimwe Jean René we yaciye muri Marine FC mbere y’uko ajya muri APR FC nkuru mu mpeshyi y'umwaka ushize.
Vision FC yasoje imikino ibanza ya shampiyona iri ku mwanya wa 15 n'amanota 12 mu gihe Marine FC yo yayisoje iri kumwanya wa 12 n'amanota 16.
Elia Kategaya yatijwe muri Vision FC
Ishimwe Jean René yatijwe muri Marine FC
Eng
RSS 
TANGA IGITECYEREZO