Ikipe ya Arsenal yashinjijwe n'ishyirahamwe ry'umupira w'amaguru mu Bwongereza kunanirwa kugenzura abakinnyi bayo ku ikarita y'umutuku iheruka guhabwa,isabwa gutanga ibisobanuro.
Ku wa Gatandatu w'icyumweru gishize nibwo Arsenal yatsindaga ikipe ya Wolves igitego 1-0 cya Ricardo Calafiori ku munota wa 74.
Muri uyu mukino ariko myugariro w'ikipe y'abarashi,Myles Lewis-Skelly yari yabonye ikarita y'umutuku ku ikosa yari akoreye Matt Doherty ku munota wa 43.
Nyuma y'uko uyu mukinnyi yari agihabwa ikarita itukura abakinnyi ba Arsenal barimo Declan Rice bahise buzura Michael Oliver bamwereka ko gutanga iyi karita bitari bikwiye.
Ubusanzwe ibi ntabwo byemewe none kuri uyu wa Kane ishyirahamwe ry'umupira w'amaguru mu Bwongereza ryandikiye Arsenal riyishinja kutagenzura abakinnyi bayo ndetse rinayisaba ibisobanuro bitarenze tariki ya 3 z'ukwezi gutaha.
Nubwo iyi kipe yasabwe ibisobanuro ariko iyi karita y'umutuku yakuwe kuri Myles Lewis-Skelly nyuma y'uko ijuriye.
Yagombaga kuzasiba imikino ya Manchester City tariki ya 2 Gashyantare na Leicester City tariki ya 15 Gashyantare muri Premier League ndetse n'uwa Newcastle United wo kwishyura muri 1/2 cya Carabao Cup gusa ntabwo azayisiba.
Abakinnyi ba Arsenal basagariye Michael Oliver
Eng
RSS 
TANGA IGITECYEREZO