Ikipe ya Muhazi yamaze gusinyisha abakinnyi 3 b’abanyamahanga barimo rutahizamu Shaka Tresor wabaye umukinnyi watsinze ibitego byinshi muri shampiyona y’u Burindi 2020-21, bakaba basinye amasezerano y’amezi Atandatu.
Ku mugoroba wo kuri uyu wa kane tariki 30 Mutarama 2025, nibwo ikipe ya Muhazi United yagarutse ku isoko isinyisha abakinnyi batatu b’abanyamahanga.
Abo bakinnyi ni: Otu Joseph ukomoka muri Ghana, akaba akina nka nimero 10 ndetse akaba yarakiniye amakipe yo muri aka karere arimo Tusker FC yo muri Kenya. Undi mukinnyi ni Potty Masimango Fiston ukomoka muri DR Congo, ndetse akaba akina nka nimero 8. Undi mukinnyi twagarukaho washyize umukono ku rupapuro, ni umusore Shaka Tresor ukina asatira izamu, akaba akomoka mu gihugu cy’u Burundi. Uyu musore yabaye umukinnyi watsinze ibitego byinshi muri shampiyona y’u Burindi mu mwaka w’imikino 2020-21. Uyu musore kandi yigeze gukiniraho ikipe ya Gicumbi FC mu 2023 ubwo iyi kipe yashakaga kuzamuka mu cyiciro cya mbere ariko ikagwa mu marembo.
Ikipe ya Muhazi United isigaje imyaka igera kuri 3 yo kongeramo kugira isoko ry’igura n’igurisha rifunge, dore ko rizagera ku musozo kuri uyu wa gatanu Tariki 31 Mutarama saa 12:00 Pm.
Ikipe ya Muhazi United yashoje imikino ibanza ya shampiyona iri ku mwanya wa 14 n’amanota 13 ikaba igomba kurwana n’ibishoboka byose ikava mu myanya mibi yateza kuba iyi kipe y’uturere twa Rwamagana na Kayonza yasubira mu cyiciro cya mabiri.
Shaka Tresor si ubwa mbere akinnye mu Rwanda kuko yigeze guca muri Gicumbi FC mu 2023
Shaka Tresor yubatse izina mu Burindi ubwo yegukanaga igihembo cy’umukinnyi watsinze ibitego byinshi mu mwaka w’imikino 2020-21
Eng
RSS 
TANGA IGITECYEREZO