Bimenyimana Bonfils-Caleb yatandukanye na FC Zob Ahan yo muri Iran

Imyaka itanu iri kwihirika Bonfils Kaleb avuye mu ikipe yambara ubururu n'umweru mu Rwanda ariyo ya Rayon Sports. 

Nyuma y'uko ayivuyemo yagiye anyura mu makipe menshi ndetse mu mpeshyi y'u mwaka wa 2022 byari byavuzwe ko yagaruka muri Rayon Sports, ariko birangira asinyiye ikipe ya Kaizer Chiefs yo muri Afurika y'Epfo.

Uyu mukinnyi wabiciye bigacika muri Rayon Sports Bimenyimana Bonfils Caleb yatandukanye na FC Zob Ahan yo muri Iran.

Amakuru dukura ku bamwegereye, avuga ko Caleb yasabye gutandukana n’iyo kipe kubera  ko imufitiye ibirarane by'umushahara w'amezi 3 atarahembwa. Icyo kibazo kikaba kiri gukurikiranwa n’umuhagarariye (agent) n'umunyamategeko (avocat).

Uyu Rutahizamu w’ikipe y’igihugu y’u Burundi yari yageze muri iyi kipe itariki 31/10/2024.

Bimenyimana Bonfils Caleb yakiniye Rayon Sports hagati ya 2017 na 2019 ndetse ari naho yamenyekaniye cyane nyuma akomereza mu yandi makipe kugeza agarutse  muri Afurika ajya muri Kaizer Chiefs yo muri Afurika y'Epfo ahakina umwaka umwe abona kujya muri Al Ahly Benghazi.

Ubwo yakiniraga Rayon Sports Bimenyimana Bonfils Caleb ari mu bakinnyi bayifashije kugera muri ¼ cya CAF Confederations Cup cyane ko yasoje iryo rushanwa afite ibitego 5 muri 2019.

Bimenyimana Bonfis Caleb wakiniye Rayon Sports yatandukanye na FC Zob Ahan yo muri Iran

Caleb ni umwe mu bakinnyi babiciye biracika muri Rayon Sports