Mu gitondo cyo ku wa Kane, abasirikare ba Repubulika Iharanira Demokarasi ya Congo (RDC), abapolisi ndetse n’abo mu mitwe yitwaje intwaro ishyigikiye leta, babonywe bajyanwa mu modoka zirinzwe n’inyeshyamba za M23.
M23 yatangaje ko abo basirikare bari bemeye kwishyira mu maboko y’uyu mutwe kandi ko bagiye koherezwa ahantu hatazwi kugira ngo binjizwe mu ngabo zawo.
Nk’uko byatangajwe na Corneille Nangaa, umwe mu bayobozi ba M23 yagize ati:."Tugiye kubohereza mu bigo by’amahugurwa aho bazigishwa akamaro k’igisirikare maze babe abanyamuryango b’umutwe wacu byuzuye,"
Yakomeje avuga ko abasirikare badashaka gukomeza kurwana bazemererwa gusubira mu buzima busanzwe, ariko ko hari bamwe biteguye kwinjira muri M23 nk'uko tubikesha Africa News.
Abasirikare babiri bari bategereje kugenda babwiye umunyamakuru ko bahisemo kumanika amaboko kuko nta yandi mahitamo bari bafite.
Ku wa Kane tariki 30 Mutarama, inyeshyamba zatangaje ko zigamije no gufata umujyi wa Kinshasa, umurwa mukuru wa Repubulika iharanira Demokarasi ya Congo.
Ibi byabaye nyuma y’amasaha make Perezida Félix Tshisekedi asabye igisirikare cya RDC kwitegura urugamba rukomeye rwo guhangana n’izi nyeshyamba.
Mu gihe Goma iri mu maboko ya M23, ibigo by’ubutabazi byatangaje ko serivisi z’ibanze zahagaze. Uyu mujyi ni icyicaro cy’ibikorwa by’ubutabazi ku baturage barenga miliyoni 6 bahunze intambara mu burasirazuba bwa Congo.
RDC ifite umutungo kamere harimo amabuye y’agaciro akenewe cyane mu nganda zikora telefone na mudasobwa.
Bagiye kwigishwa igisirikare
Corneille Nanga uyobora M23
Eng
RSS 
TANGA IGITECYEREZO