Imodoka ya Real Madrid yakoreye impanuka mu gace ka M40 ko mu gihugu cy'u Bwongereza nyuma yuko iyi kipe itsinzwe na Liverpool muri UEFA Champions League.
Kuwa Gatatu Saa yine z'ijoro nibwo ikipe ya Liverpool yari yakiriye Real Madrid kuri Anfield mu mikino yo ku munsi wa gatanu wa UEFA Champions League.
Uyu mukino warangiye Liverpool itsinze ibitego 2-0. Ni ibitego bya Alexis Mac Allister ku munota wa 52' ndetse na Cody Gakpo ku munota wa 76. Nyuma y'uyu mukino abakinnyi n'abatoza ba Real Madrid bahise bafata rutemikerere ibasubiza muri Espagne ariko imodoka isanzwe ibatwara yo isigara mu Bwongereza.
Ubwo kuri ku gicamunsi cyo kuri uyu wa Kane iyi modoka nayo yari igiye gusubira i Madrid inatwaye ibindi bikoresho by'abakinnyi yakoze impanuka aho yagonzwe n'ikamyo mu gace ka M40 gusa ikaba itangiritse cyane.
Iyi modoka iracyari nshya dore ko Real Madrid yatangiye kuyikoresha mu Ukwakira muri uyu mwaka.
Ntabwo ari ubwa mbere imodoka y'iyi kipe ikoze impanuka kubera ko mu kwezi kwa kabiri muri uyu mwaka nabwo iyo bari bafite yakoze impanuka mu gihugu cy'u Budage ubwo bari bagiye gukina na RB Leipzig muri UEFA Champions League.
Real Madrid ntabwo yorohewe n'ibihe dore ko byamaze no gutangazwa ko umukinnyi wayo, Eduardo Camavinga azamara hanze hagati y'ibyumweru bibiri na bitatu nyuma yuko agiriye ikibazo cy'imvune mu mukino na Liverpool.
Imodoka ya Real Madrid yakoze impanuka aho yagonzwe n'ikamyo
Eng
RSS 
TANGA IGITECYEREZO