Real Madrid hafi y’umurongo utukura! Uko amakipe akurikirana muri UEFA Champions League

Kuri iyi nshuro icyitwa imikino yo kwishyura cyavuyeho ahubwo amakipe azakira imikino ine y’amakipe atandukanye inasohoke ine ku makipe ane atandukanye, nta kipe zizahura inshuro irenze imwe mu cyiciro kimwe. Kugira ngo ikipe itware igikombe izajya iba yakinnye imikino 17 ugereranyije na 13 yari isanzweho mu marushanwa yabanje.

Nyuma y’iyi mikino yo mu matsinda, amakipe umunani ya mbere afite amanota meza kuva ku ya mbere kugeza ku ya munani azajya azahita ajya mu mikino yo gukuranwamo ya 1/8 nk'uko bisanzwe.

Kuva ku ikipe ya cyenda kugeza ku ya 24, ayo makipe uko azaba ari 16 azahura ubwayo mu mikino ya kamarampaka yishakemo andi umunani azasanga yayandi yabaye aya mbere, maze yuzure 16 azakina kimwe cya munani.  Kuva ku ikipe ya 25 kugeza ku ya 36 ayo makipe azasezererwa burundu.

Kugeza ubu mu makipe akomeye ari muri ayo makipe kuva kuya 25 kugera ku ya 36 ni Paris Saint-Germain iri ku mwanya wa 25 n’amanota 4 gusa.

Nubwo Paris Saint-Germain iri ku mwanya wa 25, na Real Madrid ishobora kuzisanga mu makipe ari inyuma y’umurongo utukura, kuko kugeza ubu ni iya 24 n’amanota 6. Bisobanuye ko ariyo yafungiweho umurongo mu makipe agerageza kuba meza.

Amakipe akomeye ari muri 9-24 kandi yakagombye kuba abarizwa mu kuva kuri 1-8 harimo Real Madrid, Juventus, Manchester City, AC Milan ndetse n’ikipe ya Bayern Munich, ayo makipe yose akaba azi uburyohe bw’iki gikombe.

Amakipe umunani meza abarizwa mu cyiciro cy’uko azasorezamo azahita abona itike yo gukina kimwe cya munani bidasubirwamo ni Liverpool, Inter Milan, FC Barcelona, Brussia Dortmund, Atalanta, Bayer Leverkusen, Arsenal na AS Monaco

Uko amakipe akurikiranye muri UEFA Champions League