Abafana b'ikipe ya Manchester United mu gihugu cya Uganda mu gace kitwa Iganga, bakoze amasengesho yo gusengera umutoza wabo mushya ukomoka mu gihugu cya Portugal, Ruben Amorim.
Nk'uko bigaragara mu mashusho ari gucaracara ku mbuga nkoranyambaga,aba bafana barimo abato n'abakuru, bagiye muri aya masengesho bambaye imyambaro y'ikipe ya Manchester United ndetse banafite ifoto ya Ruben Amorim imbere y'abo bamusengera ngo azitware neza abasubize mu bihe baherukamo kera byo gutwara ibikombe.
Mu mpera z'icyumweru gishize nibwo uyu mutoza yatoje umukino we wa mbere muri Premier League aho warangiye anganyije na Ipswich Town igitego 1-1.
Ari bukine umukino we wa Kabiri kuri uyu ka Kane Saa yine z'ijoro aho baraba bakiriye ikipe ya FK Bodø/Glimt yo muri Norway muri Europa League. Kugeza ubu Manchester United iri kumwanya wa 12 n'amanota 16 ku rutonde rwa shampiyona.
Ruben Amorim wakorewe amasengesho n'abafana yahawe akazi ko gutoza Manchester United mu kwezi kwashize asimbuye Erik Ten Hag wirukanwe kubera umusaruro nkene.
Abafana ba Manchester United bagiye gusengera umutoza wabo mushya
Eng
RSS 
TANGA IGITECYEREZO