Shampiyona ya Basketball 2024-25 muri Leta Zunze Ubumwe za Amerika [NBA] yakomezaga ku munsi wa gatatu, gusa amakipe ane ari yo Oklahoma City Thunder, Los Angeles Lakers Boston Celtics na Cleveland Cavaliers nta mukino n'umwe ziratakaza.
Mu gitondo cyo kuri uyu Mbere itariki 28 Ukwakira 2024 byari bikiri ku itariki 27 Ukwakira muri Leta Zunze Ubumwe za Amerika, imikino ya shampiyona ya Basketball yakinwaga ku munsi wa gatatu, hakaba hakinwe imikino itanu.
Mu mikino yakinwe Philadelphia 76ers ibifashijwemo n'abakinnyi nka Drummond ndetse na Maxey yatsinze Indiana Pacers amanota 118 ku 114. Mu yindi mikino yakinwe, Brooklyn Nets yatsinze Milwaukee Bucks amanota 115 ku 102.
Ikipe ya Oklahoma City Thunder ikomeje kuzengereza amakipe muri NBA, yabifashijwemo na Williams na Wiggins batanze imbaraga zidasanzwe nuko batsinda Atalanta Hawks amanota 128 ku 104.
Portland Trial Brazzers imbere y'abafana bayo yatsinze New Orleans Pelicans amanota 125 ku 103 naho Golden State Warriors itsinda Los Angeles Clippers amanota 112 ku 104.
Mu gace k'Uburengerazuba ikipe ya Oklahoma City Thunder na Los Angeles Lakers nizo ziri kwitwara neza kurusha izindi kuko zimaze kugira intsinzi eshatu nta mukino n'umwe ziratakaza.
Mu Burasirazuba ho ikipe ya Cleveland Cavalier na Boston Celtics nazo zikomeje kwitwara neza kurusha izindi kuko imikino itatu imaze gukinwa zarayitsinze.
Kugeza ubu mu mikino itatu imaze gukinwa, abakinnyi bamaze gutsinda amanota menshi ni Trae Young wa Atalanta Hawks na Anthony Davis wa Los Angeles Lakers bamaze gutsinda amanota 34 naho Nikola Jokic wa Denver Nuggets afite amanota 28.
Philadeliphia yatsinze Indiana Pacers mu mukino w'umunsi wa Gatatu wa NBA
Boston Celtics ifite igikombe giheruka iri kugira intangiriro nziza
Eng
RSS 
TANGA IGITECYEREZO