Abakinnyi bane bongewe mu ikipe y'Igihugu y'u Rwanda, Amavubi nyuma yo gutsindwa na Djibouti mu mukino w'ijonjora rya mbere ryo gushaka itike y'imikino ya Shampiyona Nyafurika ihuza abakinnyi bakina imbere mu bihugu byabo,CHAN 2024.
Kuri iki Cyumweru tariki 27 Ukwakira 2024 nibwo ikipe y'igihugu ya Djibouti yari yakiriye Amavubi muri Stade Amahoro. Uyu mukino wo gushaka itike ya CHAN 2025 warangiye Amavubi atsinzwe igitego 1-0 cyabonetse ku munota wa 79 gitsinzwe na Gabriel Dadzie .
Nyuma yo gutsindwa uyu mukino, Torsten Frank Spittler yitabaje abandi bakinnyi bazamufasha mu mukino wo kwishyura. Abo bakinnyi ni abakina basatira aribo Twizerimana Onesme ukinira Vision FC umaze gutsinda ibitego bitatu muri shampiyona,Nizeyimana Mubarakh usanzwe akinira Marines FC akaba amaze gutsinda ibitego bibiri na Niyonkuru Sadjat ukinira Etincelles FC umaze gutsinda igitego kimwe .
Hitabajwe kandi na Kanamugire Roger ukinira ikipe ya Rayon Sports aho akina mu kibuga hagati afasha kugarira.
Ikipe y'igihugu y'u Rwanda, Amavubi izakira Djibouti mu mukino wo kwishyura muri Stade Amahoro ku wa Kane, tariki ya 31 Ukwakira 2024.
Ikipe izakomeza hagati y'ibihugu byombi, izahura n'izakomeza hagati ya Kenya na Sudani y'Epfo, mu ijonjora rya kabiri rizaba mu Ukuboza.
Niyonkuru Sadjat ukinira Etincelles FC nawe yitabajwe mu Mavubi
Twizerimana Onesme yongewe mu Mavubi nyuma yuko atsinze Marine FC ibitego 3 wenyine
Eng
RSS 
TANGA IGITECYEREZO