Iradukunda Simeon, Kabanda Sege na Nkundimana Fabio bamaze gusezererwa mu ikipe y'igihugu "Amavubi" iri kwitegura gukina umukino wa kabiri wa Djibouti mu gushaka itike yo gukina igikombe cya Africa cy'abakina imbere mu bihugu byabo "CHAN".
Mu gitondo cyo kuri uyu wa Mbere itariki 28 Ukwakira 2024 umutoza w'Amavubi, Frank Trosten Spitller yamaze gusezerera abakinnyi batatu mu mwiherero wo kwitegura gukina umukino wa kabiri wa Djibouti, abo ni Iradukunda Simeon, Kabanda Serge na Nkundimana Fabio.
Ku Mugoroba wo kuri iki Cyumweru itariki 27 Ukwakira 2024 ni bwo ikipe y'igihugu y'u Rwanda "Amavubi" yatsinzwe na Djibouti igitego kimwe ku busa mu gushaka itike yo gukina igikombe cya Africa cy'abakina imbere mu bihugu byabo, CHAN.
Nyuma yo gutsindwa na Djibouti, Umutoza Frank Spitller yahise ahamagara abakinnyi bane atari yarahamagaye ari bo Twizerimana Onesme, Nizeyimana Mubarakh, Kanamugire Roger na Niyonkuru Sadjat.
Nyuma yo kongera abo bakinnyi mu ikipe y'igihugu, abarimo Iradukunda Simeon ukinira Gorilla FC, Nkundimana Fabio wa Marines na Kabanda Serge wa Gasogi United bo bamaze gusezererwa mu ikipe y'igihugu.
Umukino wo kwishyura uzahuza u Rwanda na Djibouti uzakinwa ku wa Kane ku itariki 31 Ukwakira 2024 ukinirwe kuri Stade Amahoro.
Abakinnyi batatu basezerewe mu ikipe y'igihugu y'u Rwanda iri kwitegura gukina na Djibouti umukino wa kabiri mu gushaka itike yo kujya muri CHAN
Eng
RSS 
TANGA IGITECYEREZO