FC Barcelona ikomeje gukubita itababarira muri Espagne

Kuri iki cyumweru ikipe ya Deportivo Alavez ntabwo yahiriwe no kwakira FC Barcelona cyane ko Umunya-Pologne Robert Lewandowski yayibereye inzozi mbi.

Wari umukino w'umunsi wa Cyenda muri Shampiyona ya Esipagne Laliga, aho FC Barcelona imaze gutsindamo imikino umunani ikaba yaratsinzwe umukino umwe.

Ni umukino abakunzi ba FC Barcelona bari biteze ko baza kubona umuzamu wabo mushya Wojciech Szczęsny waje gusimbura Marc-Andre Tres Stegen wavunitse gusa babona umukino ukinwe na Iñaki Peña umuzamu wa kabiri. 

Muri uyu mukino ku munota wa 7 na 21 Umunya-Pologne, Robert Lewandowski yatsinze ibitego bibiri byose ku mipira yahabwaga na Raphinha ukomoka muri Brazil. Ku munota wa 32 na none  yatsinze igitego cya gatatu ku mupira yahawe na Eric Garcia aba ari nacyo kirangiza umukino.

Gutsinda uyu mukino byatumye FC Barcelona ikomeza kuba iya mbere n'amanota 24, Real Madrid ni iya kabiri n'amanota 21 mu gihe ikipe ya gatatu ari Villarreal ifite amanota 27.

Robert Lewandowski yafashije FC Barcelona gutsinda Deportivo Alavez 

Barcelona yakomeje kuyobora urutonde rwa shampiona muri Espagne