Muhire Kevin yasubiye muri Rayon Sports

Ibi Rayon Sports niyo yabitangaje ku gica munsi cyo kuri uyu wa Kane ibinyujije ku mbuga nkoranyambaga zayo. Iyi kipe ifite abafana benshi mu Rwanda yavuze ko yamushinje amasezerano y'igihe gito ariko hari amakuru avuga ko yaba yasinye amasezerano azarangizanya n'uyu mwaka w'imikino.

Muhire Kevin ukina mu kibuga hagati afasha ba rutahizamu gusatira asubiye mu ikipe ya Rayon Sports nyuma yuko yari yarayivuyemo mu mpeshyi y'umwaka ushize amasezerano ye arangiye yerekeza mu ikipe ya Al Yarmouk ikina mu cyiciro cya kabiri muri Kuwait.

Iyi kipe ya Al Yarmourk itozwa na Jorge Paixão ndetse Daniel Ferreira batojeho Rayon Sports akaba ari nabo bari baranze uyu mukinnyi, biravugwa ko haribyo itumvikanyeho na Muhire Kevin ndetse akaba yari yaranatandukanye nayo kera.

Uyu mukinnyi wari kapiteni wa Murera mbere yo kuyivamo yazamukipe mu Isonga ayivamo ajya muri Rayon Sports, ayivamo anyura mu makipe yo hanze y'u Rwanda arimo Misr lel-Makkasa yo mu Misiri na Saham Club yo muri Oman abona kongera kugaruka.

Muhire Kevin yasubiye muri Rayon Sports 

Rayon Sports yahaye ikaze Muhire Kevin usubiye mu rugo