Ikipe ya Manchester United ikina shampiyona y'u Bwongereza yemeje ko rutahizamu wabo, Marcus Rashford, yatangiye gukora imyitozo yoroheje nyuma yo kuva mu ikipe y'igihugu y'u Bwongereza kubera imvune yari yagize.
Uyu mukinnyi yavuye mu ikipe y'igihugu y'u Bwongereza yitegura gukina n'ikipe y'igihugu y'u Butaliyani na Ukraine mu mikino yo gushaka itike y'igikombe cya Euro ya 2024 kizabera mu Budage.
Mu mpera z'icyumweru gishize ni bwo Marcus Rashford yahise ashyira hanze amafoto ari kumwe n'umukunzi we muri Leta Zunze Ubumwe za Amerika bituma abantu batangira kumunenga bavuga ko nk'umukinnyi wagize ikibazo cy'imvune adakwiye gukora ibyo, ahubwo akwiriye gukora imyitozo ya wenyine kugira ngo akire vuba.
Ku munsi w'ejo ni bwo Manchester United yahise itangaza amakuru meza dore ko bamwe banatekerezaga ko atazakina umukino wa Newcastle United bafite mu mpera z'iki cyumweru.
Marcus Rashford ari mu myitozo ya wenyine i Carrington
Mu itangazo bashyize hanze bagize bati: "Marcus Rashford yatangiye gukira nyuma yo kugira imvune mu mukino wacu uheruka, muri 1/4 cy'irangiza dutsinda Fulham muri FA Cup. Kuri uyu wa mbere, Rashford yashoboye kugera ku kibuga cyacu dukoreraho imyitozo"
"Ariko umukinnyi wacu umaze gutsinda ibitego byinshi yashoboye gukora imyitozo yoroheje ntabwo yigeze akorana n'abandi bakinnyi. Uyu musore w'imyaka 25 umaze gutsinda ibitego 27 muri uyu mwaka w'imikino ntabwo yigeze akora igikorwa cyo gukoresha umupira".
"Ubuzima bwa Rashford buzaba bumeze neza bijyanye n'umukino dufite wa Newcastle United muri Premier League kuri iki cyumweru. Umutoza wa United, Erik ten Hag birashoboka ko azatanga amakuru mashya kuri Marcus Rashford mu kiganiro n’abanyamakuru mbere yumukino muri iki cyumweru".
Manchester United yizeye ko azakina umukino wa Newcastle United mu mpera z'iki cyumweru
Eng
RSS 
TANGA IGITECYEREZO