Umukobwa witwa Muyango Uwase Claudine wambitswe ikamba ry’uberwa n’amafoto (Miss Photogenic) mu irushanwa rya Miss Rwanda 2019, ni we waserukanye igikombe cya shampiyona 2018-2019 cyahawe ikipe ya Rayon Sports nyuma yo gutsinda Marines 3-0.
Kuri uyu wa Gatandatu tariki 01 Kamena 2019 ni bwo ikipe ya Rayon Sports yashyikirijwe igikombe cya Shampiyona 2018-2019 yaherewe kuri sitade Amahoro. Yegukanye iki gikombe ifite amanota 72.
Mu mikino 30 Rayon Sports yakinnye, batsinzemo 22, banganya itatu (3) batsindwa imikino ine (4). Miss Muyango ni we wari utwaye igikombe cya shampiyona cyahawe ikipe ya Rayon Sports.
Yageze mu kibuga ari imbere y'abasifuzi ndetse n'abakinnyi. Bageze aho kwifotoreza yahagaze nyuma akomezanya igikombe imbere ya VIP ahari ameza agiterekaho ajya kwicara aho yari yateguriwe.
Rtd.Brig.Gen.Sekamana Jean Damascene, Perezida wa FERWAFA niwe washyikirije igikombe kapiteni wa Rayon Sports.
Miss Muyango ni we wari utwaye igikombe cya shampiyona 2018-2019 cyahawe ikipe ya Rayon Sports
Uyu mukobwa mu irushanwa rya Miss Rwanda 2019 ni umwe mu bagarutsweho cyane ndetse byavugwaga ko ashobora kwegukana ikamba ry’umukobwa uhiga abandi ubwiza, umuco n’ubwenge. Mu irushanwa yari yambaye nimero icyenda.
Yambitswe ikamba rya Nyampinga uberwa n’amafoto (Miss Photogenic) mu ijoro ryo ku wa kane tariki 24 Mutarama 2019. Ni ikamba yaherewe umunsi umwe na Tuyishimire Cyiza Vanessa wambitswe ikamba rya Nyampinga wabaniye neza bagenzi be (Miss Congeniality 2019) ndetse na Kabahenda Ricca Michaella wabaye Nyampinga w’umurage (Miss Heritage) wa 2019.
Muyango Uwase Claudine yambitswe ikamba rya Miss Photogenic 2019
Rayon Sports yegukanye igikombe ifite amanota 72
Byari ibyishimo ku ikipe ya Rayon Sports yegukanye igikombe cya shampiyona cya 9
AMAFOTO: Iradukunda Desanjo-INYARWANDA.COM
Eng
RSS 
TANGA IGITECYEREZO