RURA
Kigali

Ibihano abakinnyi ba Real Madrid barimo Vinicius Junior na Kylian Mbappé bashobora gufatirwa na UEFA ‎

Yanditswe na: Aloys Niyonyungu
Taliki:3/04/2025 15:00
0


Abakinnyi ba Real Madrid, Vinicius Junior, Kylian Mbappé na Ceballos bashobora gucibwa amande mu gihe Antonio Rudiger we ashobora guhanishwa gusiba umukino nyuma yo gukorwaho iperereza n'impuzamashyirahamwe y'umupira w'amaguru ku mugabane w'Iburayi, UEFA. ‎



‎Mu Cyumweru gishize ni bwo UEFA yavuze ko yatangiye gukora iperereza ku bikorwa aba bakinnyi bakoze ubwo basezereraga Atletico Madrid muri 1/8 cya UEFA Champions League bitewe nuko barenze ku mategeko agenga imyitwarire yayo.

‎‎Antonio Rudiger yari akurikiranyweho ibyo yakoze ashyira ikiganza cye mu ijosi mu gihe Mbappe yarimo gukorwaho iperereza ku kimenyetso yakoze yerekana igitsina cye.

‎‎Vinicius Junior we yari akurikiranyweho ibyo kuba yaragiye imbere y'abafana ba Atletico Madrid agahangana nabo, naho Ceballos utarakinnye uyu mukino kubera imvune nawe akurikiranyweho uko yagaragaye ahangana n'abafana ba Atletico Madrid.

‎‎Kuri ubu ikinyamakuru Marca cyanditse ko Vinicius Junior, Kylian Mbappé na Ceballos bashobora kuzacibwa amande ndetse bakaba bahanishwa gusiba umukino umwe  mu gihe baramuka bongeye kubikora.

Antonio Rudiger we ibyo yakoze ntabwo byigeze byakirwa neza ndetse ashobora guhanishwa amande no gusiba umukino umwe wa UEFA Champions League. ‎‎Uyu myugariro aramutse ahawe iki gihano byazatuma asiba umukino ukurikiyeho bafitanye na Arsenal muri 1/4 cya UEFA Champions League.

Abarimo Kylian Mbappé bashobora guhanishwa gusiba umukino umwe muri UEFA Champions League mu gihe bakongera gukora ibyo bakoze ku mukino wa Atletico Madrid 

Antonio Rudiger ashobora guhanishwa gusiba umukino wa UEFA Champions League bafitanye na Arsenal 







TANGA IGITECYEREZO

Izina ryawe
Email yawe
Andika igitecyerezo


KOPA

Inyarwanda BACKGROUND