Riderman yahishuye ko hari indirimbo ari gukorana n’imfura ye Eltad w’imyaka 4 igiye gusohoka

Mu kiganiro yahaye Inyarwanda.com, Riderman yagize ati "Si ibintu bikomeye ni indirimbo imwe twakoranye nzayishyira hanze mu minsi iri imbere ni imwe mu ndirimbo zanjye zizaba ziri kuri Album nshya ndi gukoraho abantu bazayumva.” Uyu muraperi ntabwo yerura ngo ahamye ko umuhungu we w’imfura yinjiye mu muziki ariko nanone ahamya ko hari indirimbo bakoranye izajya hanze mu minsi ya vuba.

Riderman yahishuye ko hari indirimbo yakoranye n'umuhungu we w'imyaka 4 igiye gusohoka

Uyu muraperi yahishuriye Inyarwanda.com ko iyi ari imwe mu ndirimbo azashyira hanze mu minsi ya vuba ikaba imwe mu ndirimbo zizaba ziri kuri album nshya azamurika mu Ukuboza 2019 mu gitaramo uyu muhanzi amenyereweho kenshi mu mpera z’umwaka cyo kumurika Album ye nshya izaba ibaye iya munani na Mixtape imwe afite.

Eltad, umuhungu w'imfura wa Riderman

Riderman na Miss Agasaro Nadia basezeranye imbere y’Imana muri Paruwasi ya Kicukiro ku gicamunsi cyo ku ya 16 Kanama 2015. Ku wa Gatanu tariki 11 Ukuboza 2015, Riderman na Miss Agasaro Nadia babyaye imfura yabo. Umuhungu bise Eltad bisobanura 'uwo Imana yishimira cyane.'