Umutoza wa Real Madrid yatangiye kuburanishwa ku cyaha gishobora kumufungisha imyaka 4

Kuri uyu wa Gatatu ni bwo uyu mutoza yatangiye kuburanishwa mu Rukiko rukuru ruherereye i Madrid. ‎‎Carlo Ancelotti yaburanishijwe ku cyaha cyo kunyereza imisoro y'asaga Miliyari 1.1 y'Amadorali ku mafaranga yabonye hagati ya 2014 na 2015 avuye mu bijyanye no kugurisha uburenganzira bw'amashusho ye(image right) ubwo n'ubundi yatozaga Real Madrid.

‎‎Ubwo yari imbere y'umucamanza, uyu mutoza yireguye avuga ko kugeza muri 2018 atari azi ko ari amakosa kutishyura imisoro ku mafaranga avuye mu bijyanye no kugurisha uburenganzira bw'amashusho ye (image right) kugeza muri 2018 dore ko no ku bandi bakinnyi ndetse n'abatoza ari ko byari bimeze.

‎‎Yagize ati "Sinigeze mbona ko ari ibintu bitari byo byiza kugeza mu mwaka wa 2018 ubwo ubushinjacyaha bwatangiraga iperereza ku mari yanjye, ntabwo nigeze ntekereza gukora uburiganya".

‎‎Ati: "Muri icyo gihe, abakinnyi n'abatoza bose babikoraga gutyo, byasaga n'aho ari ibintu byemewe". Yakomeje atanga urugero avuga ko Jose Mourinho wahoze atoza Real yari nawe yakoze ibintu nk'ibi".

‎Umuhungu wa Ancelotti, Davide, usanzwe anamwungirije muri Real Madrid, n’umugore we Mariann Barrena, bitabiriye uru rubanza, mu gihe umukobwa we witwa Chloe McClay hari ibibazo yasubije binyuze mu buryo bw'amashusho dore ko we yari i Los Angeles.

‎‎Biteganyijwe ko uru rubanza Carlo Ancelotti ari kuburana ruzakomeza ku munsi w'ejo ari nabwo hazafatwa umwanzuro w'ikigomba gukorwa.‎

‎Uyu mugabo, mu 2014 na 2015 yasoreraga umushahara yahembwaga muri Real Madrid ariko andi mafaranga yavaga ku ruhande yo ntabwo yigeze ayasorera.

‎‎Muri 2014 uyu mutoza yabonye arenga miliyoni 1.33 y'Amadolari avuye mu kugurisha uburenganzira bw'amashusho ye, naho mu 2015 abona agera ku miliyoni 3.19 gusa ngo ntabwo yigeze atanga imisoro nk'uko bitangazwa n'umushinjacyaha.

‎‎Mu 2023 ni bwo Urukiko rwa Espagne rwari rwavuze ko Ancelotti agomba kubarinishwa kuri ibi byaha gusa birangira hadashyizweho amatariki uru rubanza ruzabera.

‎‎Muri Espagne ntabwo ari ubwa mbere habayeho ikibazo cy'umutoza cyangwa abakinnyi banyereje imisoro. Cristiano Ronaldo na Lionel Messi bahamwe n'iki cyaha ndetse bakatirwa igifungo gisubitse.

‎‎Jose Mourinho watoje Real Madrid nawe yahamwe n'icyaha cyo kunyereza umusoro akatirwa igifungo cy'umwaka umwe usubitse.

‎

Carlo Ancelotti yatangiye kubaranishwa ku cyaha cyo kunyereza imisoro