Jules Ulimwengu rutahizamu Rayon Sport yaguze mu ikipe ya Sunrise, akigera i Kigali yagiranye ikiganiro kihariye na Inyarwanda.com adutangariza byinshi ku masezerano ye ndetse na gahunda afitiye ikipe ya Rayon Sport agiye gukinira imikino yo kwishyura.
Jules Ulimwengu akigera ku kibuga y’indege i Kanombe yatangarije
Inyarwanda.com ko aje gukinira ikipe ya Rayon Sports bamaze kugirana amasezerano
y’umwaka umwe n’igice, icyakora yirinda kugaruka ku masezerano ye, gusa ahamya
ko yishimiye amasezerano yagiranye n’iyi kipe kandi yiteguye gukora akazi kose
nk'uko yabisinye mu masezerano.
Uhereye iburyo; Jules Ulimwengu, D'Amour Kamayiresi umwe mu bari muri komite ya Rayon Sports na Jean Paul Nkurunziza ushinzwe itangazamakuru muri Rayon Sports
Ku kibazo cyavuzwe hagati ya Sunrise n’ikipe uyu musore yahoze akinira i Burundi, yatangarije umunyamakuru ko ku bwe aya makipe yombi akwiye kumvikana kandi ko we nk’umukinnyi afite amasezerano muri Rayon Sports kandi agomba kubahiriza amasezerano amakipe akaziyumvikanira. Agenera ubutumwa abakunzi ba Rayon Sports, yatangaje ko azabashimisha uko ashoboye kose. Naho ikijyanye no kuba yagira ikibazo cy’abafana yatangaje ko yakiniye amakipe menshi y’abafana bityo ko adatewe ubwoba n'abafana ba Rayon Sports.
REBA HANO IKIGANIRO TWAGIRANYE NA JULES ULIMWENGU
Eng
RSS 
TANGA IGITECYEREZO