Oda Paccy ni umwe mu bahanzi bari batoranyijwe ngo bazitabire amarushanwa yo guhatanira ibihembo bya Salax Awards7. Uyu muhanzikazi kuri ubu yamaze gusezera muri iri rushanwa atangaza ko atazabasha kwitabira aya marushanwa anashimira bikomeye abamugiriye icyizere.
Salax Awards yubuye umutwe
muri uyu mwaka nyuma y'imyaka itatu itaba hanahinduka abayitegura, iri rushanwa
ubusanzwe ryategurwaga na Ikirezi Group kuri ubu bahaye uburenganzira AHUPA
kuba yategura ibi bihembo. Nyuma y'uko babuhawe bahise batangira gutegura kugeza
ubwo kuri uyu wa 5 Gashyantare 2019 hasohotse urutonde rw'abahanzi uko bahatana
mu by'iciro binyuranye.
Oda Paccy yasezeye mu irushanwa...
Oda Paccy asezera muri Salax
Awards yagize ati "Bwana muyobozi nyuma yo kugaragara ku rutonde
rw'abahanzi bazahatanira ibihembo bya Salax Awards 2019 ndabashimiye ndetse
nabakunzi b'umuziki wanjye babigizemo uruhare ndabashimiye. Mfashe uyu mwanya
mbiseguraho, nkaba ntazabasha kwitabira uyu mwaka ku bw'impamvu bwite ndetse
n'izindi nshingano zitandukanye zihuriranye nabyo."
Oda Paccy yahataga mu cyiciro cy'abakobwa bitwaye neza myaka itatu ishize
Ubwo iri rushanwa ryahagarikwaga mu myaka itatu ishize nabwo ryaranzwe no kwikuramo kw'abahanzi banyuranye. Usibye Oda Paccy wikuye muri iri rushanwa ariko abahanzi banyuranye bandi bashyizwe mu byiciro ndetse bakomeje gutorwa n'abakunzi babo kugira ngo habashe kugaragara batanu ba mbere bazahatanira ibi bihembo.
Eng
RSS 
TANGA IGITECYEREZO