Mu Rwanda hamaze iminsi habera irushanwa rya Nyampinga w'u Rwanda w'umwaka wa 2019 ndetse ni yo nkuru iri kuvugwa cyane muri iyi minsi. Mu bakobwa barenga 300 bitabitabiriye iri rushanwa, kuri ubu hasigayemo 15 bageze kuri Final ari nabo bazatoranywamo Miss Rwanda 2019.
Kuri uyu wa Gatandatu tariki 26 Mutarama 2019 ni bwo hazatorwa Miss Rwanda 2019 uzasimbura Miss Iradukunda Liliane umaze umwaka yambaye ikamba rya Nyampinga w'u Rwanda. Ni mu birori bizabera i Rusororo mu Intare Conference Arena. Iri kamba rigiye gutangwa nyuma y'aho abakobwa 20 bahatanira ikamba bajyanywe mu mwiherero i Nyamata muri Golden Tulip Hotel, batanu muri bo bagasezererwa, hagasigaramo abakobwa 15. Mu matora yabereye kuri telefone mu buryo bwa SMS, agasozwa ku mugoroba w'uyu wa Gatanu, Mwiseneza Josiane ni we uri ku isonga mu majwi.
Amakamba 3 yo muri Miss Rwanda 2019 yamaze gutangwa; hasigaye ikamba nyir'izina rya Miss Rwanda 2019
Abakobwa 15 (Top15) bageze kuri Final ya Miss Rwanda 2019 ni: Murebwayire Irene nimero 18, Inyumba Charlotte nimero 33, Uwihirwe Yasipi Casmir nimero 21, Uwase Muyango Claudine nimero 1, Gaju Anita nimero 35, Umukundwa Clemence nimero 24, Mwiseneza Josiane nimero 30, Ricca Michaella Kabahenda nimero 9, Nimwiza Meghan nimero 32, Keza Nisha Bayera nimero 22, Uwase Sangwa Odile nimero 16, Mutoni Oliver nimero 20, Niyonsaba Josiane nimero 13, Mukunzi Teta Sonia nimero 10 na Uwicyeza Pamella numero 29.
Inyarwanda.com twageneye igihembo umusomyi wacu uri butubwire umukobwa uzegukana ikamba rya Miss Rwanda 2019 mu bakobwa 15 bageze kuri Final. Igisubizo kiranyuzwa munsi y'iyi nkuru ahatangirwa ibitekerezo (comments). Utanga igisubizo arasabwa kuvuga amazina yombi y'umukobwa abona uzegukana ikamba kimwe n'uko nanone ashobora kuvuga nimero ye dore ko buri mukobwa afite nimero ye imuranga. Arasabwa kandi gukoresha amazina ye yose ari ku Irangamuntu.
Ku cyumweru tariki 27 Mutarama 2019 ni bwo tuzabatangariza uwatsindiye igihembo cya Inyarwanda.com. Iki gihembo kizahabwa umuntu utanga abandi kuvuga umukobwa uzegukana ikamba rya Miss Rwanda 2019. Twabibutsa ko umukobwa uzegukana ikamba ari umukobwa uzaba yahize abandi bose mu; Uburanga, Umuco n'Ubwenge. Uzegukana ikamba azahembwa imodoka nshya yo kugendamo, azajye anahembwa ibihumbi 800 buri kwezi mu gihe cy'umwaka umwe. Azanahembwa kandi guhagararira u Rwanda mu irushanwa rya Nyampinga w'isi. Uzaba igisonga cya mbere azahabwa miliyoni imwe y'amanyarwada mu gihe uzaba igisonga cya kabiri azahabwa ibihumbi 500.
AMAFOTO Y'ABAKOBWA 15 BAGEZE KURI FINAL YA MISS RWANDA 2019
Uwase Muyango Claudine nimero 1
Uwicyeza Pamella nimero 29
Uwihirwe Yasipi Casmir nimero 21
Uwase Sangwa Odile nimero 16
Umukundwa Clemence nimero 24
Ricca Michaella Kabahenda nimero 9
Nimwiza Megnan nimero 32
Niyonsaba Josiane nimero 13
Mwiseneza Josiane nimero 30
Mutoni Oliver nimero 20
Murebwayire Irene nimero 18
Mukunzi Teta Sonia nimero 10
Inyumba Charlotte nimero 33
Gaju Anita nimero 35
Bayera Nisha Keza nimero 22
Eng
RSS 
TANGA IGITECYEREZO