Kuri uyu wa Gatanu tariki ya 4 Mutarama 2019 haratangira imikino y’umunsi wa 13 wa shampiyona ubwo Police FC iraba yakirwa na Kiyovu Sport ku kibuga cya Mumena. Police FC iheruka gutsindwa na Bugesera FC ibitego 3-1 mu gihe SC Kiyovu yatsinze Espoir FC ibitego 2-0.
Mu mikino 12 ya shampiyona ishize, Kiyovu Sport imaze gutsinda imikino itanu (5), inganya ibiri (2) itsindwa itanu (5) bituma iba iri ku mwanya wa gatanu (5) n’amanota 17.
Police FC iheruka gutsindirwa ku Kicukiro yinjizwa ibitego 3-1 mu mukino yakiriyemo Bugesera FC, kuri ubu iri ku mwanya wa kane (4) n’amanota 20 mu mikino 11 imaze gukina kuko ifite ikirarane izacakiranamo na Mukura Victory Sport tariki 23 Mutarama 2019 ku kibuga cya Kicukiro.
Mu mikino 11 bamaze gukina, Police FC batsinzemo itandatu (6), banganya ibiri (2) batsindwa itatu (3) bituma bafite amanota 20.
Eric Ngendahimana (24) kapiteni wa Police FC akurikiwe na Nizeyimana Jean Claude (Inyuma) rutahizamu wa SC Kiyovu
Dore uko umunsi wa 13 wa shampiyona uteye (15h30'):
Kuwa Gatanu tariki ya 4 Mutarama 2019
-Kiyovu SC vs Police FC (Mumena)
Kuwa Gatandatu tariki ya 5 Mutarama 2019
-FC Marines vs Mukura VS (Umuganda Stadium)
-Gicumbi FC vs Etincelles FC (Gicumbi)
-AS Kigali vs Espoir FC (Stade de Kigali)
-Musanze FC vs Rayon Sports (Ubworoherane)
-Kirehe FC vs Sunrise FC (Kirehe)
Ku Cyumweru tariki ya 6 Mutarama 2019
-APR FC vs AS Muhanga (Stade de Kigali)
-Bugesera FC vs Amagaju FC (Nyamata)
Eng
RSS 
TANGA IGITECYEREZO