Evans Mwenda (DJ Spin), umunyamakuru kuri Tv10 na Authentic Tv ndetse akaba n'umuyobozi wa Groove Awards Rwanda, we n'umugore we Dushimirimana Ernestine uzwi nka Mimi bakorana mu kiganiro kuri Tv10 bari mu byishimo bikomeye batewe no kwibaruka imfura yabo.
Kuri uyu wa Gatanu tariki 21/12/2018 ni bwo Mimi yibarutse
umwana w'umuhungu, yibarukira mu bitaro bya Polisi biri ku Kacyiru. Ni nyuma
y'iminsi micye aba bombi bakorewe ibirori byo kwakira imfura yabo. Dj Spin na
Mimi bakorana mu kiganiro cy'iyobokamana cyitwa Praise 101 gitambuka kuri Tv10
buri ku Cyumweru mu masaha ya mu gitondo. Mu mwaka wa 2016 ni bwo aba bombi bambikanye impeta mu muhango wabereye muri Zion Temple mu Gatenga.
Imfura ya Dj Spin hamwe na Mimi
Dj Spin afite inkomoko muri Kenya ariko akaba yarashatse umunyarwandakazi Dushimirimana Ernestine uzwi nka Mimi. Dj Spin fite agahigo ko kuba ari we watangije mu Rwanda ibijyanye no kuvangavanga imiziki yo kuramya no guhimbaza Imana. Icyo gihe acyibitangiza ntabwo byavugwagaho rumwe, ariko ubu byahawe umugisha na benshi mu bapasiteri n'abakristo bo mu matorero anyuranye.
Dj Spin hamwe n'umugore we Mimi,..'The Spins' ni ko bitwa
Hano bari bakorewe ibirori byo kwakira imfura yabo
Eng
RSS 
TANGA IGITECYEREZO