Irushanwa rya Nyampinga w'isi (Miss World 2018) ribaye ku nshuro ya 68 ryegukanywe n'umukobwa wo muri Mexique witwa Vanessa Ponce de Leon w'imyaka 26 y'amavuko. Uyu mukobwa yasimbuye umuhindekazi Manushi Chhillar wabaye Miss World 2017.
Ibirori byo gutora Nyampinga w'isi w'umwaka wa 2018 (Miss World 2018) byabaye kuri uyu Gatandatu 08/12/2018 bibera mu gihugu cy'u Bushinwa mu mujyi wa Sanya. Miss Vanessa Ponce de Leon ni we wegukanye ikamba mu irushanwa ry'ubwiza ryitabiriwe n'abakobwa bagera ku 120 baturutse ku migabane itandukanye.
Miss Vanessa Ponce de Leon yanditse amateka kuko yabaye umukobwa wa mbere wo muri Mexique wegukanye ikamba rya Nyampinga w'isi mu mateka y'iki gihugu. Miss Rwanda 2018 Iradukunda Liliane witabiriye iri rushanwa ahagarariye u Rwanda, ntiyabashije guhirwa naryo dore ko atabonetse mu myaka 30 ya mbere.
Miss Vanessa Ponce de Leon ni we Miss World 2018
Umukobwa wo muri Uganda witwa Quinn Abenakyo yanditse amateka atarakorwa n'undi uwo ari we wese wo muri Uganda, ahiga bagenzi be bo muri Afrika dore ko yatowe nk'umukobwa uhiga abandi uburanga mu bakobwa bose bo muri Afrika bitabiriye iri rushanwa (Miss World Africa). Ni ubwa mbere umukobwa wo muri Uganda abonetse mu bakobwa batanu ba mbete mu irushanwa rya Nyampinga w'isi (Miss World).
Umunya-Uganda yaje muri batanu ba mbere
Umunyamerikakazi Solaris Barba yegukanye ikamba ry'uhiga abandi uburanga ku mugabane wa Amerika, mu gihe uwitwa Kadijah Robinson ukomoka muri Jamaica yatowe mu bakobwa mu bihugu bya Caribbean. Nicolene Limsnukan wo muri Thailand yahize bagenzi be bo ku mugabane wa Aziya, Maria Vasilevich wa Beralus aba uwa mbere mu bakobwa b'i Burayi bitabiriye irushanwa rya Miss World 2018.
Ibyishimo byari byose Miss Vanessa Ponce de Leon
Umunya-Uganda yaje mu bakobwa batanu ba mbere muri Miss World 2018
Yatowe nk'umukobwa uhiga abandi uburanga ku isi
Miss World 2017 hamwe na Miss World 2018
Miss World 2018 hamwe n'ibisonga bye
Eng
RSS 
TANGA IGITECYEREZO