Nyuma y’uko umwe mu bavandimwe b’umubyeyi wa Alpha Rwirangira, abwiwe n’abaganga ko yanduye indwara ya Hepatite B (Hepatitis B) ndetse bakamubwira ko akeneye kujya kwivuriza mu buhinde mu gihe kitarenze ibyumweru 2, abavandimwe be barasaba ubufasha ngo babashe kumuvuza.
Abinyujije ku rukuta rwe rwa Instagram, Alpha yasabye buri wese ufite umutima utabara kubafasha bakabona uko bavuza uyu muvandimwe, dore ko ngo mu gihe kitarenze ibyumweru 2 bagomba kuba babonye asaga ibihumbi 5 by’amadorari ni ukuvuga asaga miliyoni 3 n’igice.
Ubu nibwo butumwa Alpha Rwirangira yashyize kuri Instagram
Tugenekereje mu Kinyarwanda Alpha yagize ati “Nshuti namwe bavandimwe, nizere ko mumeze neza. Datawacu, Dawson Bizima amaze igihe gito abwiwe ko arwaye indwara ya Hepatite B kandi akeneye ubuvuzi bwihuse. Abaganga bamutegetse kujya kwivuriza mu Buhinde mu gihe kitarenze ibyumweru 2. Kugeza ubu dukeneye asaga $5000. Twakwishimira bikomeye ubufasha ubwo aribwo bwose. Turabinginze mudufashe gutabara ubuzima kandi twese hamwe twabigeraho. Uramutse ukeneye ibindi bisobanuro wakwandikira ubutumwa bugufi nimero 0788541010. Ndabakunda mwese."
Akeneye inkunga cyane cyane y'amasengesho ngo Imana izamufashe abashe gukira
Mu kiganiro twagiranye na nyirasenge wa Alpha akaba na mushiki wa Dawson, yatubwiye ko kugeza ubu nta bantu benshi barabasha kugira ubufasha babagezaho gusa ko bifuza ko yagenda vuba bishoboka kugira ngo azabashe kubona ubwo buvuzi ku gihe kandi ko inkunga ikomeye bakeneye ari iy'amasengesho ngo azabashe gukira.
Eng
RSS 
TANGA IGITECYEREZO