Ikipe ya Real Madrid FC niyo iyoboye urutonde rw’amakipe ahenze cyane ku isi nk’uko bigaragazwa n’urutonde rusanzwe rukorwa n’ikinyamakuru Forbes Magazine. Real Madrid ikaba ibarirwa ku kayabo ka miliyoni 2087 by’ amayero aho mukeba wayo FC Barcelona iza ku mwanya wa kane.
Ikipe ya Real Madrid ifite agaciro ka miliyoni zisaga ibihumbi bibiri by’ amayero ifashe uyu mwanya imbere y’ amakipe yo muri Leta Zunze Ubumwe z’ Amerika nka Dallas Cowboys na New York Yankees ziri ku mwanya wa kabiri n’ uwa gatatu ku rutonde rusange rw’ amakipe y’ imikino yose ku isi. Uru rutonde bigaragara ko rugizwe n’ amakipe menshi yo muri Leta Zunze Ubumwe z’ Amerika gusa ikipe ya FC Barcelona nayo ikaba iri ku mwanya wa kane mu gihe Arsenal, Manchester United, Chelsea na Manchester City nazo ziza mu makipe 50 ya mbere ku isi.
Mu mupira w’ amaguru n’ ubundi ikipe ya Real Madrid imaze kwegukana igikombe cya UEFA Champions League inshuro 10 biyigira ikipe ya mbere yatwaye ibi bikombe inshuro nyinshi, niyo iyoboye na miliyoni 2087 z’ amayero, ikarusha mukeba wayo FC Barcelona miliyoni zisaga 50 zose.
Real Madrid niyo iyoboye urutonde rw' amakipe ahenze ku isi
FC Barcelona yatwaye igikombe cya shamiyona, UEFA Champions League iri inyuma ya Real Madrid
Ikipe ya Manchester United yo mugihugu cy’ u Bwongereza iza ku mwanya wa gatatu mu makipe y’ umupira w’ amaguru n’ uwa gatanu muri rusange n’ ubwo imaze imyaka igera kuri 2 ititwara neza ngo yegukane igikombe. Ikipe ya Manchester City y’ umuherwe Sheikh Mansour bin Zayed Al Nahyan irabarizwa ku mwanya wa gatanu gusa ikaba yenda gukubwa inshuro 3 na Real Madrid ya mbere, ikurikiwe na Chelsea nayo ifitwe n’ umuherwe Roman Abramovic naho Arsenal ikaza ku mwanya wa 6.
DORE UKO AMAKIPE AKURIKIRANA N' AHO AMAKIPE YO MU GIHUGU CY' UBWONGEREZA AHEREREYE
Eng
RSS 
TANGA IGITECYEREZO