Umuhanzi nyarwanda Benjamin Kayiranga uzwi ku izina rya Ben Kayiranga ari mu gahinda kenshi nyuma yo kubura umubyeyi we Jean Rugenera Bagizecyane witabye Imana kuri iki cyumweru azize uburwayi.
Aganira na Inyarwanda.com, Ben Kayiranga yavuze ko umubyeyi we yari amaze igihe kirekire arwaye, akaba yaguye mu mujyi wa Rubavu.Ben Kayiranga yakomeje avuga ko uyu mubyeyi we yari afite imyaka 75 y’amavuko.
Umubyeyi wa Ben Kayiranga yari afite imyaka 75 y'amavuko
Nk’uko byari biteganyijwe, ubu umubyeyi wa Ben Kayiranga yamaze gushyingurwa mu karere ka Rubavu mu ntara y’uburengerazuba mu gihe umuhungu we Ben Kayiranga ari mu gihugu cy’uBufaransa.
Ben Kayiranga ntiyabashije kwitabira umuhango wo gushyingura umubyeyi we
Uyu mubyeyi yashyinguwe kuri uyu wa mbere mu karere ka Rubavu
Uyu niwo muvugo uyu muhanzi yandikiye se nyuma y'uko yitabye Imana
Umugabo
Muzee Jean Rugenera Bagizecyane
Nakumenye ndi umugabo
Tumenyana uri umugabo
Umbwira amagambo y’abagabo
Umpa izina ndi umugabo
Uwimana siryo ku mpapuro
Nzarigendana ku mutima
Numva nanjye mbaye umugabo
Ugiye nkubonye nubwo tutabanye
Ugiye menye umugabo
Nagize Imana ndakubona
Unsigiye imigisha
Unsigiye benedata
Unsigiye urugero
Abazukuru bawe nzababwira ibigwi byawe
Ngusezera wambwiye uti : mu buzima bw’umugabo hari ibintu bitatu:
Uzakunde Imana
Uzakunde abantu
Uzakore neza imirimo yawe
Imana ikwakire mu bwami bwayo
Benjamin Kayiranga Uwimana
Robert Musafiri
Eng
RSS 
TANGA IGITECYEREZO