Tom Close arizeza ab'i Kampala igitaramo gishyushye muri Rwanda Nite-AMAFOTO

Aherekejwe na DJ Kagz uzwi mu mukyi wa Kigali ndetse n’umuririmbyi Diddy Brown,Tom Close yageze muri iki gihugu mu gitondo cyo kuwa Gatanu aho ahagana saa mbili na mirongo ine n’itanu (8:45) yakiriwe ku kibuga cy’indege cya Entebbe n’abategura iki gitaramo barimo umuyobozi wa Goft Pro uzwi cyane nka Gift Giftorius.

Gift yakira Tom Close ku kibuga cy'indege cya Entebbe/Foto Chipmreports

Ikinyamakuru Chimpreports dukesha iyi nkuru kivuga ko Tom Close yijeje Abagande ko ari bukore igitaramo cyiza kandi gifite ingufu ndetse bityo yerekane ko umuziki umaze gutera imbere mu Rwanda.

Tom Close yabonanye na Eddy Kenzo kuwa Gatanu/Foto KINA Muzic

Ibitaramo nk’ibi bya Rwanda Nite byatangiye ari Alpha Rwirangira wakunze kubitumirwamo, nyuma Knowless Butera niwe uherukayo none ubu mugenzi we babarizwa hamwe mu nzu ya Kina Music, Tom Close nawe niwe utahiwe gutaramira Abagande ndetse n’Abanyarwanda baba mu mujyi wa Kampala dore ko atari bake.

REBA ANDI MAFOTO

Tom Close ni gutya yari ameze akigera Entebbe/Foto Chimpreports

Diddy Brown, Gift Giftorius, Tom Close na DJ Kagz ku kibuga Entebbe/Foto Chimpreports

Tom Close agiye kwereka ib'i Kampala ko n'i Rwanda hari muzika/Foto Chimpreports

Elisée Mpirwa