Rwaka Claude ashobora kugirwa umutoza w'ungirije muri Rayon Sports y'abagabo nyuma yo gufasha iy'abagore kwegukana igikombe cya shampiyona ku nshuro ya kabiri yikurikiranya.
Ikipe ya Rayon Sports imaze iminsi idafite umutoza w'ungirije nyuma y'uko itandukanye n'Umunya-Tunisia, Quanane Selami mu minsi yashize.
Perezida w'iyi kipe aheruka kuvuga ko barimo baramushaka ndetse ko bazazana uw'Umunyarwanda usanzwe amenyereye shampiyona, none kuri ubu biri kuvugwa ko ari Rwaka Claude usanzwe utoza Rayon Sports y'abagore.
Mu minsi yashize nabwo ubuyobozi bw'iyi kipe bwari bwabigerageje gusa uyu mutoza hagira ibyo atumvukanaho n'umutoza mukuru Robertinho none kuri ubu ngo habayeho kumvikana.
Ni nyuma y'uko Rwaka Claude mu mpera z'Icyumweru dusoje afashije Rayon Sports WFC asanzwe abereye umutoza mukuru kwegukana igikombe cya shampiyona ku nshuro ya kabiri yikurikiranya.
Uyu mutoza asanzwe amenyereye shampiyona y'u Rwanda na Rayon Sports byumwihariko dore ko yakinnyemo ndetse akaba yarayibayemo umutoza w'ungirije ku bwa Haringingo Francis ubwo yegukanaga igikombe cy'Amahoro.
Kugeza ubu Rayon Sports iri ku mwanya wa mbere ku rutonde rwa shampiyona aho irusha APR FC iyikurikiye amanota 4.
Rwaka Claude ashobora kugirwa umutoza w'ungirije wa Rayon Sports
Eng
RSS 
TANGA IGITECYEREZO