Ikipe y'igihugu y'Ubuyapani yabaye iya mbere ikatishije itike y'igikombe cy'Isi cya 2026 kizabera muri Canada, Mexico na Leta zunze ubumwe z'Amerika.
Kuri uyu wa Kane nibwo ikipe y'igihugu y'Ubuyapani yari yakiriye Ibirwa bya Bahrain mu mukino wo munsi wa 7 mu itsinda C ku mugabane wa Asia mu gushaka itike y'igikombe cy'Isi cya 2026.
Uyu mukino warangiye Ubuyapani butsinze ibitego 2 bya Takefuso Kubo usanzwe ukinira Real Sociedad na Daichi Kamada usanzwe ukinira Crystal Palace ku busa bwa Bahrain.
Iyi kipe y'igihugu yahise iyobora itsinda n'amanota 19 aho irusha amanota 9 Australia iyikurikiye ndetse ihita inakatisha itike dore ko niyo yatsindwa imikino isigaye bitayibuza gusoza iyoboye.
Ikipe y'igihugu y'Ubuyapani yahise iba iya mbere ikatishije itike y'igikombe cy'Isi cya 2026 nyuma ya Canada, Mexico na Leta zunze ubumwe z'Amerika zizakira .
Ni ku nshuro ya 8 yikurikiranya Ubuyapani bubonye itike y'igikombe cy'Isi kuva mu 1998.
Ubuyapani bwakatishije itike y'igikombe cy'Isi cya 2026
Eng
RSS 
TANGA IGITECYEREZO