Album 5 zinjije agatubutse kurusha izindi ku Isi

Dore albums eshanu zasohotse zagurishijwe  akayabo ka amadorari menshi mu mateka y'umuziki, zerekana ubukana bwazo n'uruhare zabagize mu guhindura imikorere n’imyidagaduro y’umuco w’isi yose.

1. Album "Thriller" ya Michael Jackson, yasohotse mu 1982, niyo album yagurishijwe cyane kurusha izindi mu mateka y'umuziki. Iyi album imaze kugurishwa asaga miliyoni 66 z'amadorari, ikaba yarakoreshejwe mu gusakaza injyana ya pop ku rwego rw'isi. Imwe mu ndirimbo zakunzwe cyane muri iyi album ni "Billie Jean", "Beat It", ndetse "Thriller". 

Iyi album yatumye Michael Jackson agira uruhare runini mu guhindura uko abahanzi bamenyekana no kumenyekanisha umuziki ku isi yose. Yahawe ibihembo byinshi, birimo na Grammy umunani, ndetse yanditse amateka mu kugera ku bafana benshi.

2. Album "Their Greatest Hits (1971–1975)" y’itsinda rya Eagles yasohotse mu 1976, ikaba igurishijwe asaga miliyoni 42 z'amadorari. Iyi album ikubiyemo zimwe mu ndirimbo zakunzwe cyane ku isi, nka "Hotel California" na "Take It Easy", ari na byo byatumye iba album ya kabiri mu gucuruzwa cyane ku isi. Iyi album niyo yatumye itsinda rya Eagles riba icyamamare muri rock na country.

3. Album "The Wall" ya Pink Floyd yasohotse mu 1979, igaragaza ubuhanga mu gutanga ubutumwa bwimbitse bwimuriye imbere imibereho n’imibereho y’abantu. "The Wall" yagurishijwe asaga miliyoni 30 z'amadorari, igakundwa cyane kubera indirimbo nka "Another Brick in the Wall (Part 2)" na "Comfortably Numb". Iyi album ikomeje kuba ikimenyabose mu mateka ya rock, by’umwihariko mu gihe yagaragazaga impinduka zihariye ku ngaruka z’imibereho y'abantu ku isi.

4.Album ''Back in Back'' Nyuma y’urupfu rw’umuyobozi wayo Bon Scott, AC/DC yashyize hanze album "Back in Black" mu 1980. Iyi album yagurishijwe asaga miliyoni 50 z'amadorari. Indirimbo nka "You Shook Me All Night Long" n' "Back in Black" byatumye iyi album izamuka ku rwego rwo hejuru, igira uruhare rukomeye mu guhindura inzira y’umuziki wa rock. 

Uyu muryango w'abahanzi wahinduye uburyo bwabo bwo gukora, ndetse "Back in Black" ni album izwi cyane kugeza n’ubu mu njyana ya hard rock.

5. Album "The Dark Side of the Moon" yasohotse mu 1973, ikaba ifite amateka akomeye muri rock. Iyi album igurishijwe asaga miliyoni 45 z'amadorari kandi imaze kugera ku mutima w'abafana ba muzika ku isi yose. 

Iyi album yatumye Pink Floyd ibona igikundiro gikomeye, kubera ibihangano nka "Money", "Time", na "Us and Them". Iyi album ifite ubutumwa bwimbitse, ikaba yarafashije mu guhindura imikorere y'umuziki w’igihe cyacu.

Apple ivuga ko hari albums nyinshi zagiye zisohoka ndetse zikagira uruhare runini mu guhindura Isi ndetse zikanakurwa nabatari bacye  . Kubera uburyo zakiriwe neza ndetse n'uburyo zagiye zifasha guhindura imitekerereze n'imikorere mu rugendo rw'umuziki, abahanzi nka Michael Jackson, Pink Floyd, AC/DC, n’itsinda rya Eagles bagize impinduka zikomeye ku buryo umuziki wagiye ugaragara mu bihe bitandukanye. 

Izi albums ni ibimenyetso by’ubukana n’ubuhanga mu bijyanye no guhanga udushya mu njyana zitandukanye za muzika, haba mu rock, pop, ndetse na country. Gusa ntiwakwibagirwa  zimwe muri Album zagiye zikurwa nabatari bacye nka  The miseducation ya Lauryn Hill yashyize ahagaragara muri 1998 ikigarurira imitima yabatari bacye nizindi nyinshi.

Izi Albums eshanu zasohotse zigaragaza uburyo umuziki ufite uruhare runini mu guhindura isi ndetse no gukurura abafana benshi. Abahanzi bakoze impinduka zidasanzwe ku rwego rw’isi, byatumye izi albums ziba ikimenyetso cy’uburyo abahanzi bashobora gukomeza gukora umuziki ufite impinduka zikomeye mu buhanzi bwabo. 

Uruhare rw’ibi bihangano mu guteza imbere umuziki ntirwakwiriye kwirengagizwa, kuko niyo nkingi y'ubuhanzi ku isi.