Umuryango wahishe imyaka 30 indwara izwi muri Bibiliya

Uyu muryango waturutse muri Zimbabwe (yahoze ari Rhodesia), aho Dan yakuze atazi ko yanduye ibibembe. Mu 1967, ubwo yari mu gisirikare, muganga yabonye ibimenyetso ku mubiri we ariko ntibyahabwa agaciro. Nyuma y’imyaka itatu amaze gushakana na Babs, ibara ry’uruhu rwe ryarahindutse, bituma abaganga bamukekaho indwara zandurira mu mibonano mpuzabitsina.

Icyo gihe, Dan yahabwaga imiti y’imyaka ibiri ku ndwara atagiraga. Mu 1972, muganga yasuzumye uruhu rwe arangije amubwira ati: "Ufite Hansen’s Disease," izina rya kabiri ry’ibibembe. Dan yabisobanuye agira ati: “Byahise bindenga, natekereje kwirukanwa mu muryango nkabo muri filime Ben-Hur,” nk’uko tubikesha Mail Online.

Babs yaje kumenya ko na we yanduye ibibembe nyuma y’imyaka irindwi bashakanye, akabona ibara ry’uruhu rwe rihinduka ariko ntamenye impamvu. Nubwo abantu 95% ku Isi batandura ibibembe, Babs yaje muri 5% bayandura.

Uyu muryango wamenyekanishije indwara yabo mu 1999, nyuma y’imyaka 28 barayihishe. Dan yagize ati: “Twari twaratinye kubwirwa nabi.” Mu rusengero aho batangiye inkuru yabo bwa mbere, abantu bose babakiriye babahoberana urugwiro.

Kugeza ubu, uyu muryango umaze kugera mu bihugu 20, baganira ku mibare y’abantu 200,000 bandura ibibembe buri mwaka ku Isi. Dan yabaye umuyobozi muri Leprosy Mission, anakora inama mu Nteko Ishinga Amategeko y’u Bwongereza. Dan yongeyeho ati: “Ntabwo nkihisha, ndi umunyamuryango w’abahoze barwaye ibibembe.”