Myugariro w'ikipe y'igihugu y'u Rwanda, Amavubi, Rwatubyaye Abdul wakiniraga ikipe ya Brera Strumica yo muri shampiyona y'icyiciro cya Mbere muri Macedonia yatandukanye nayo.
Ni amakuru yagiye hanze mu gitondo cyo kuri uyu Wa Gatatu tariki ya 26 Gashyantare ya 2025.
Ni nyuma yuko uyu myugariro atari yakagaragaye mu mikino yo kwishyura ya shampiyona ikipe ya Brera Strumica yakinnye kuva mu ntangiriro z'uku kwezi kwa Gashyantare.
Amakuru avuga ko Rwatubyaye Abdul yatandukanye na Brera Strumica yari yaragezemo mu kwezi kwa kwa 9 mu mwaka ushize kubera ikibazo cy'ubushobozi.
Ibi bibaye nyuma yuko uyu myugariro yaherukaga kugaragara mu myitozo ya Rayon Sports mu kwezi kwashize kwa Mutarama.
Yari yarerekeje muri Brera Strumica avuye muri FC Shkupi nayo yo muri Macedonia yo yari yagezemo mu kwezi kwa Mbere k'umwaka ushize wa 2024.
Rwatubyaye yanyuze mu yandi makipe atandukanye arimo,Isonga FC APR FC, Rayon Sports , Kansas City, Swope Park Rangers, Colorado Rapids na Colorado Switchbacks muri Leta Zunze Ubumwe za Amerika.
Rwatubyaye Abdul yatandukanye na Brera Strumica
Eng
RSS 
TANGA IGITECYEREZO