Igihato mu biganiro by’amahoro ku ntambara y’u Burusiya na Ukraine

Mu ntangiriro za 2024, Ukraine yafashe bimwe mu bice bya Kursk, ibintu byakuruye igitero cy’u Burusiya cyari kigamije kugaruza ako karere. Intambara ikaze yibanze cyane mu nkengero z’umujyi wa Sudzha, aho abaturage benshi bavuye  mu ngo zabo, mu gihe byinshi mu bikorwa remezo byasenywe.

Kuva mu 2025, iyi ntambara imaze guhitana ubuzima bwa benshi, ndetse ibihugu byinshi byo ku isi bikomeje gushyira igitutu kuri Ukraine n’u Burusiya ngo bashake umuti w’ibibazo bifatika biciye mu biganiro nk'uko bitangazwa na The Guardian.

Perezida wa Ukraine yatangaje ko igihugu cye gishobora kwigengesera kireka tumwe mu duce twa Kursk, ariko asaba ko habaho ingurane y’ubutaka bwafashwe n’u Burusiya. Ariko, Moscow yahakanye ibyo byifuzo, ivuga ko idashobora gusubiza uduce yafashe. Uku kutumvikana hagati y’impande zombi kwatumye imirwano irushaho gukomera.

Ku rundi ruhande, Leta Zunze Ubumwe za Amerika zagerageje gufata iya mbere mu gushakira amahoro iki kibazo, aho Perezida wayo yagaragaje ko ashishikajwe no gufasha ibiganiro. Ariko Ukraine iracyagaragaza ko izakomeza kuba maso kugeza igihe izahabwa ingwate z’umutekano zihamye.

Umwanditsi : Kubwayo Jean de la croix