Ikipe y'igihugu ya Zimbabwe yemerewe kuzakirira umukino ifitanye na Benin muri Stade Amahoro mu gushaka itike y'igikombe cy'Isi cya 2026.
Tariki ya 17 Mutarama 2025 nibwo iyi kipe y'igihugu yanditse ibaruwa isaba Minisiteri ya Siporo n'ishyirahamwe ry'umupira w'amaguru mu Rwanda(FERWAFA) kuzakirira uyu mukino muri Stade Amahoro.
Tariki ya 7 Gashyantare 2025 Minisiteri ya Siporo yayisubije ibemerera tariki naho FERWAFA yo ibikorwa tariki ya 10 Gashyantare 2025.Ikipe y'igihugu ya Zimbabwe idafite Stade zemewe na CAF z'iri ku rwego rwo kwakira amarushanwa mpuzamahanga ishyura ibizakoreshwa byose kuri Stade Amahoro.
Ntabwo ari ubwambere iyi kipe y'igihugu yakiriye umukino wayo mu Rwanda kuko mu mwaka ushize yari yakiririye Nigeria kuri Stade mpuzamahanga ya Huye nabwo mu gushaka itike y'igikombe cy'Isi cya 2026.
Zimbabwe iri mu itsinda rimwe n'u Rwanda muri iyi mikino rya C aho yo iri kumwanya wa nyuma n'amanota 2 mu gihe Amavubi ariyo ari kumwanya wa mbere .
Umukino wayo na Benin wo ku munsi wa 5 mu gushaka itike y'igikombe cy'Isi cya 2026 uzakinwa taliki ya 21 Werurwe 2024.
.
Eng
RSS 
TANGA IGITECYEREZO