Umwana w’imyaka 8 wo muri Malasia, yagize ubumuga bwo kutareba burundu kubera imirire mibi yatumye umubiri we ubura intungamubiri zikenewe mu mikorere y’amaso nk'uko byatangajwe n’umuganga wamusuzumye.
Uyu mwana yari amaze imyaka myinshi arya ibiryo bimwe gusa birimo "nuggets za chicken, sausages n’ibindi biba byabanje gutunganyirizwa munganda no mumavuta".
Ibi bintu byatumye abura ku buryo bukabije Vitamine A, ikenewe mu gukomeza imyakura y’amaso. Ibi byatangiye kumugaragaraho ubwo yari ari mu ishuri mu mwaka wa 2 mu murwa mukuru Kuala Lumpur, maze agira ati: "Mwarimu, kuki ntarimo kubona?"
Yahise ajyanwa kwa muganga, aho yaje gusanganwa "Optic Atrophy", indwara itera kwangirika kw’imyakura y’amaso kubera igihe kinini umubiri uba umaze utabona intungamubiri.
Dr "Erna Nadia", umuganga ukomeye , yagaragaje impungenge ati: "Ababyeyi baba bafite akazi kenshi, ntibyoroshye guteka buri gihe, ariko tugomba kwita ku mirire y’abana bacu" nkuko tubikesha Daily Mail.
Ababyeyi basabwe kwita ku bimenyetso by’iyi ndwara birimo kumagara kw'amaso, kugira ibibara by’umukara mu jisho, kubura amarira no kutabona nijoro.
Ibyo kurya bikungahaye kuri Vitamine A ni: "epinari, karoti, intoryi, imineke, avoka, amafi, inkoko n’amagi.
Mu myaka ishize, muri Amerika umwana w’imyaka 12 wo muri Massachusetts na we yarahumye burundu kubera imirire mibi.
Abahanga bavuga ko 70% by’abana bafite munsi y’imyaka 11 bashobora kugira ikibazo cya Vitamine D, mu gihe 1% aba afite ikibazo gikabije cya Vitamine A. Muri Amerika umwana 1 muri 5 afite ibyago byinshi byo kubura Vitamine C.
Eng
RSS 
TANGA IGITECYEREZO