Iyo igihugu gitangiye umwaka mushya gifite umwenda muto bikuraho imbogamizi z'ubukungu kandi bigafasha leta kubona umwanya munini wo gukemura ibibazo bikomeye by'igihugu. Kwirinda kugira umwenda ukomeye wa IMF bifasha ibihugu kugabanya ingaruka z’ubukungu, gusigasira iterambere rirambye no gukomeza ubusugire bw’igihugu.
Ahanini inguzanyo za IMF zifasha ibihugu by'Afurika mu bikorwa biteza imbere igihugu nk'ibikorwa remezo, ubuvuzi, uburezi n’ibindi biteza imbere imibereho myiza y'abaturage.
Usanga ibihugu by'Afurika bigerageza kugabanya umwenda bifitiye IMF bikoresheje gahunda ubusanzwe zigizwe no kuzamura imisoro, kugabanya amafaranga bishora mu kugura ibicuruzwa biva hanze, kugabanya amafaranga gishora mu bikorwa remezo cyangwa gukuraho inkunga zijya hanze.
Ibi bishobora guhungabanya ubukungu bw'igihugu mu gihe kibikoze nta handi hantu giteganya gukura ubundi buryo bwiza bwo kuzahura ubukungu.
Nyamara nubwo bimeze bityo, ibihugu byinshi by'Afurika byashoboye kubungabunga ubukungu bwabyo ndetse bibasha kugabanya ingano y'umwenda bifitiye IMF ku kigero cyo hejuru.
Dore ibihugu 10 bya Afrika bifite umwenda muto wa IMF muri Mutarama 2025, nk'uko bigaragara ku rutonde rwa Business Inside Africa.
| Umwanya | Igihugu | Igiteranyo cy'umwenda wa IMF (01/27/2025) |
|---|---|---|
| 1. | Lesotho | 11,660,000 |
| 2. | Comoros | 20,926,125 |
| 3. | Sao Tome & Principe | 27,665,439 |
| 4. | Eswatini | 29,437,500 |
| 5. | Djibouti | 31,800,000 |
| 6. | Guinea-Bissau | 52,291,400 |
| 7. | Equatorial Guinea | 65,749,584 |
| 8. | Cabo Verde | 72,116,000 |
| 9. | Somalia | 87,000,000 |
| 10. | Burundi | 100,600,000 |
Eng
RSS 
TANGA IGITECYEREZO