Nta cyo muri Afurika kirimo! Ibihugu 10 bifatwa nk’ibifite abanyabwenge kurusha ibindi ku Isi

World of Card Games yakoze urutonde ishingiye ku bintu bitatu by’ingenzi, birimo umubare w’ibihembo bya Prix Nobel igihugu cyakiriye, igipimo cy’ubwenge (IQ) abaturage bafite ndetse n’urwego rw’uburezi abanyeshuri bariho.

Hashingiwe ku bushakashatsi bwashyizwe ahagaragara na World of Card Games, Switzerland nicyo gihugu gituwe n’abanyabwenge cyane ku Isi. Ibyagendeweho byose ubishyize hamwe, Switzerland yagize amanota arenga 92%. Iki ni kimwe mu bihugu bikize ku Isi, kikaba gituwe n’abaturage batageze kuri miliyoni icyenda.

Switzerland yakurikiwe n’u Bwongereza, Leta Zunze Ubumwe za Amerika zaje ku mwanya wa gatatu, Netherlands yaje ku mwanya wa kane, u Bubiligi buza ku mwanya wa gatanu.

Finland niyo yaje ku mwanya wa nyuma ushyize hamwe ibyagendeweho byose, gusa ugendeye kuri buri kimwe, iza ku mwanya wa mbere mu bihugu bifite abantu bafite igipimo cy’ubwenge kiri hejuru.

Amerika niyo yaje ku mwanya wa mbere mu bihugu byakiriye ibihembo byinshi bya Nobel, aho yabonye ibigera kuri 5717.  Ibihembo bikubye inshuro hafi ebyiri iby’u Budage bwaje ku mwanya wa kabiri.

Mu bihugu 10 byose nta na kimwe cya Afurika kirimo. Uretse kandi Leta Zunze Ubumwe za Amerika yabaye iya gatatu, ibindi bihugu byose ni iby’i Burayi.