Nigeria, Egypt na Ethiopia mu bihugu Nyafurika byashoye imari ishyushye mu mahoteli

Umugabane wa Afurika, uzwiho kugira umwihariko nk’umwe mu migabane ikurura ba mukerarugendo bawugana kubera ibyiza nyaburanga biwutatse.

Iri terambere kandi ntiryasize urwego rw’amahoteli kuko na rwo rwazamutse mu gihe gito. Ibi bifasha abatemberera kuri uyu mugabane kubona aho barambika umusaya habagwa ku nzoka.

Nubwo hishimirwa ibyagezweho ariko, uru rwego rw'amahoteli ruracyatsikamirwa n'ibibazo by'ubukungu, imidugararo ya politiki, hamwe n'ibindi biza binyuranye byibasira abantu.

Raporo yasohowe na W Hospitality Group yakorewe mu bihugu byose uko ari 54 bigize Afurika, niyo igaragaza amakuru yizewe, yerekana iterambere ry'amahoteli muri Afurika, hashingiwe ku bikorwa byerekeranye n'amahoteli bikorerwa kuri uyu mugabane n'ibiri hafi gufungurwa.

Iri terambere rikomeje gufungurira amahirwe menshi umugabane wa Afurika, arimo ubwiyongere bw'abanyamahanga biyemeza kuhashora imari kuko bizeye kuhabona amacumbi meza bitabagoye, ndetse na ba mukerarugendo bakarushaho kwiyongera.

Raporo nshya yiswe 'Hotel Chain Development Pipelines in Africa,' iragaragaza ko ibihugu birimo Egypt, Maroc na Ethiopia byongeye gusubirana imyanya byahozeho mu mwaka ushize.

Ku ruhande rw’u Rwanda mu myaka 30 ishize hashyizweho gahunda zitandukanye zigamije guteza imbere ubukerarugendo bushingiye ku nama, hubakwa ibikorwa remezo nka Kigali Convention Center, ndetse ku isoko ry’u Rwanda hinjira amahoteli mpuzamahanga nka Marriot n’izindi.

Ni mu gihe imibare igaragaza ko abasura u Rwanda biyongereye mu myaka ishize kuko bavuye ku bantu 521,000 mu 2021 bagera kuri miliyoni 1,4 mu 2023.

Dore ibihugu bifite ishoramari rihambaye mu bijyanye n’amahoteli muri Afurika: