Cape Town, umujyi ukomeye wo muri Afurika y'Epfo, wegukanye umwanya wa mbere ku rutonde rw'imijyi myiza kurusha iyindi ku isi muri 2025. Nyuma yo gusohoka ari iya mbere ku rutonde rugaragaza ibyavuye mu bushakashatsi bwa Time Out Magazine.
Ubushakashatsi bwakozwe n’iki kinyamakuru Times Out Magazine, bwagaragaje ko abantu basaga 18,500 baturutse mu bihugu basuzumye imijyi yose yari iri gukorerwamo ubu bushakashatsi ku bijyanye n’ibiribwa, imyidagaduro, umuco, ibiciro, uburezi, ibikorwa remezo, ubuzima bwiza n’ibindi byinshi.
Cape Town yegukanye uyu mwanya kubera uburanga bwayo, ahantu nyaburanga, nk’ikirwa cya penguin z’umukara, ibiyaga byiza, n’amateka akomeye. Abaturage ba Cape Town bavuga ko bishimira kuba muri uyu mujyi, aho 97% bavuze ko bibatera ishema kandi 82% bagaragaje ko babona umujyi wabo ari mwiza.
Nyuma y'uko muri 2024 New York yaje imbere ya Cape Town, Cape Town yaje ku mwanya wa mbere mu 2025, yitwaye neza kurusha imijyi nka Bangkok, Melbourne, London, ndetse na New York. Muri Afurika, umujyi wa Marrakech muri Maroke na Lagos muri Nigeria byabashije kwinjira muri 50 bya mbere ku isi.
Cape Town yabaye umwanya wa mbere ku rutonde rw'imijyi myiza kurusha iyindi ku isi muri 2025, ikubita inshuro New York yari yarayiciyeho umwaka ushize
Eng
RSS 
TANGA IGITECYEREZO