FA Cup: Man City, Liverpool na Chelsea zakomeje zinyagiye, Brentford iratungurwa

Liverpool yo yatsinze Accrington Stanley ibitego 4-0 muri stade ya Anfield, mu mukino wa mbere wa Arne Slot muri iri rushanwa. Diogo Jota na Trent Alexander-Arnold batsinze mu gice cya mbere, mu gihe Jayden Danns na Federico Chiesa bongeye gushimangira intsinzi mu gice cya kabiri. 

Alexander-Arnold, wambaye igitambaro cya kapiteni, yatsinze igitego cyiza cyane mbere yuko igice cya mbere kirangira. Liverpoor yari yikosoye nyuma yo kunengwa mu mukino baheruka gukina na Manchester United.

Chelsea yats Morecambe ibitego 5-0. Tosin Adarabioyo na Joao Felix batsinze ibitego bibiri buri umwe, mu gihe Christopher Nkunku na we yatsinze kimwe. Iyi ntsinzi yahaye Enzo Maresca amahirwe yo kuva mu bihe bibi kuko yari amaze imikino itanu adatsinda.

Mu gihe amakipe menshi yo mu cyiciro cya mbere yakomeje, Brentford yo yatunguwe na Plymouth Argyle, ikipe iri ku mwanya wa nyuma mu cyiciro cya kabiri. Morgan Whittaker yatsinze igitego cy’intsinzi mu gice cya kabiri, cyatumye Plymouth yegukana intsinzi yayo ya mbere ku ikipe yo mu cyiciro cya mbere mu myaka 40 ishize.

Andi makipe akomeye yitwaye neza harimo Nottingham Forest, Leicester City, na Bournemouth nazo zatsinze imikino yazo. Nottingham yatsinze Luton Town ibitego 2-0, mu gihe Leicester City yihanije Queens Park Rangers ibitego 6-2, harimo penaliti yatsinzwe na Jamie Vardy ku isabukuru ye y’imyaka 38.

Exeter City, ikipe yo mu cyiciro cya gatatu, yageze muri kimwe cya kane bwa mbere mu myaka 44, nyuma yo gutsinda Oxford United ibitego 3-1.

Liverpool yageze muri kimwe cya kane cya FA Cup

Bopurnemouth yageze muri kimwe cya kane cya FA Cup