Umutoza yahagaritswe azira imyitwarire iganisha ku busambanyi

Ku munsi w'ejo ku wa Gatandatu nibwo iyi kipe ya Mamelodi Sundowns ikina muri shampiyona y'icyiciro cya mbere muri Afurika y'Epfo yashyize hanze itangazo ivuga ko hari ibirego by'imyitwarire idakwiye yakiriye byatanzwe n'abakinnyi bayo b'Abagore barega umutoza wabo.

Yanditse iti" Ubuyobozi bwa Mamelodi Sundowns bwamenyeshejwe ibirego by’imyitwarire idakwiye yakiriye byatanzwe n'abakinnyi batandukanye b’abagore barega umutoza wabo, Jerry Tshabalala".

Iyi kipe yavuze ko ifata ibyo birego mu buryo bukomeye bityo ko yashyizeho ikigo cy'amategeko kigomba gukora iperereza bityo ikaba yabahaye ihagatise uyu mutoza.

Iti" Mamelodi Sundowns ifata ibyo birego mu buryo bukomeye kandi yashyizeho ikigo gikomeye cy'amategeko, Bowmans, kugira ngo gikore iperereza kuri ibyo birego kandi gitange raporo ku buyobozi vuba bishoboka.

Mamelodi Sundowns yabaye ihagatise umutoza Jerry Tshabalala mu gihe hagitegerejwe ibizava mu iperereza. Ibi ntabwo byakozwe kugirango bibangamire iperereza, ahubwo ni ukugira ngo iperereza rishobore gukorwa vuba kandi rirengere uburenganzira bw’impande zose.

Mu gihe iperereza rigaragaje ibimenyetso bifatika, ubuyobozi buzahita ifata ingamba zikwiye.Mamelodi Sundowns mu gihe gikwiye azatangaza ibyavuye mu iperereza ndetse n'ibizakorwa.”

Bimwe mu byo Jerry Tshabalala ashinjwa birimo kuba yari amaze iminsi atanga inama zidakenewe aho yabwiraga abakinnyi atoza ndetse n'abandi bafatinyije gutoza uko bagomba kugirira isuku imyanya yabo y'ibanga.

Usibye ibi kandi uyu mutoza yinjiye mu rwambariro asanga abakinnyi bambaye ubusa bamusabye gusohoka arabyanga.

Tshabalala w'imyaka 44 atoza ikipe y'Abagore ya Mamelodi Sundowns kuva muri 2012, akaba amaze gutwarana nayo ibikombe birimo 2 bya CAF Champions League.

Jerry Tshabalala wahagaritswe azize imyitwarire iganisha ku busambanyi